Монголын Элчин сайд нарын клубээс гольфийн аварга шалгаруулах тэмцээн зохион байгуулжээ. Тодруулбал, тус клубээс дөрөв дэх удаагаа Монголын гольфийн холбоотой хамтран “Ambassador’s Golf Cup 2020” тэмцээнийг Mt. Bogd Golf & Country Club-ын гольфийн талбайд өнгөрсөн амралтын өдөр амжилттай зохион байгуулсан байна.
Тус гольфийн тэмцээнийг жил бүр Монгол Улсад суугаа гадаад орнуудын ЭСЯ-уудтай харилцаа холбоогоо бэхжүүлэх хамтын ажилгааны талаар, хамтын ажиллагаагаа санал солилцох, мөн цэвэр агаар, тав тухтай орчинд оюуны болон биеийн алжаалыг тайлах зорилгоор зохион байгуулдаг уламжлалтай юм.
Энэ удаагийн тэмцээнд Их Британи, Умард Ирландын Нэгдсэн Хаант улсаас Монгол Улсад суугаа Элчин сайд, Канад улсаас Монгол Улсад суугаа Элчин сайд, АНУ-ын Элчин сайдын яамны дипломат ажилтнууд болон Монголын Гольфийн холбооны тамирчид зэрэг нийт 60 гольфчин оролцжээ.
Тэмцээн Медалист, Handycap, хамгийн хол, хамгийн ойр цохилт, Элчин сайд нарын дипломат ажилтнуудын гэсэн төрлүүдээр зохион байгуулагдаж, шилдгүүдээ шалгаруулсан байна.
