Кураш бөхийн эмэгтэйчүүдийн 78 кг-д “Сүлд” спорт хорооны бөх О.Мөнхцэцэг Азийн наадмаас мөнгөн медаль хүртэв. Курашийн дэлхийн хошой аварга тэрбээр аваргын төлөөх барилдаанд Узбекистаны бөх К.Юлдашовад ялагдав.
Бөхийн олон төрлөөр хичээллэдэг, Гавьяат дасгалжуулагч Ц.Шийрэвийн шавь О.Мөнхцэцэг сүмогийн ДАШТ-ээс хошой мөнгө, хүрэл, бүстэй барилдааны ДАШТ-ээс хошой мөнгө, шерим болон самбогийн ДАШТ-ийн мөнгө, хүрэл, жүдогийн дэлхийн цомын аварга шалгаруулах тэмцээнээс мөнгөн медальтай юм.
