Спортын салбарт тэргүүлэгч телевиз ESPN дэлхийн хамгийн нэр хүндтэй тамирчдыг тодруулах судалгааг явуулахад нэгдүгээр байрт хөлбөмбөгчин Криштиану Роналду шалгарчээ. Хоёрдугаарт, сагсан бөмбөгч Леброн Жеймс орсон бол гурав, дөрөвдүгээр байрт хөлбөмбөгчид болох Лионель Месси, Неймар нар бичигдэв. Харин теннисний бүх цаг үеийн манлай тамирчин Рожер Федерер айргийн тавд багтжээ.
ESPN тамирчдын нэр хүндийг тогтоохын тулд тэдний ашиг орлогын хэмжээ болон нийгмийн сүлжээн дэх пэйж хуудсыг нь дагагчдын тоо, Google сайтад хайлт хийсэн давтамж зэрэг үзүүлэлтүүдийг нэгтгэж тооцжээ. Криштиану Роналду энэхүү судалгааг гурав дахь жилдээ тэргүүлж байна.
