Хүчний гурван төрөлт буюу пауэрлифтингийн ДАШТ Чех улсад өчигдөр өндөрлөлөө. 26 орны 198 тамирчин хүч сорьсон 47 дахь удаагийн тус тэмцээнд манай улсаас дасгалжуулагч Д.Баттулгын удирдлагад найман хүчтэн өрсөлдсөнөөс тэмцээний эхний өдөр Л.Ганбаатар хүрэл медаль хүртсэн талаар бид өмнө нь мэдээлсэн. Тэгвэл эрэгтэйчүүдийн 105 кг-д Х.Энхболд түрүүлж, дэлхийн аварга болжээ. Мөн 83 кг-ын жинд оролцсон Б.Гансүх хүрэл хүртэхдээ хэвтээгээс 242.5 кг шахаж, Ази тивийн дээд амжилтыг шинэчлэн, таван кг-аар ахиулав.
