“Аваргуудын лиг”-ийн хэсгийн тавдугаар тойргийн тоглолтууд өнгөрсөн мягмар гарагт болж, Италийн “Ювентус” баг Английн “Челси”-д 0:4-ийн харьцаатай ялагдав. Ингэснээр Туриний баг тус тэмцээний түүхэнд сүүлийн 63 жил үзээгүй ялагдлаа хүлээлээ. Тэд 1958 онд Австрийн “Винер” багт 0:7-оор ялагджээ. Харин бүх тэмцээнийг авч үзвэл хамгийн сүүлд 2004 оны хоёрдугаар сард “Рома” багт дөрвөн гоолын зөрүүтэй хожигдож байв.
Эцэст өгүүлэхэд, Н хэсгээс дээр дурдсан хоёр баг “Аваргуудын лиг”-ийн хасагдах шатанд шалгараад байна.
