Токиод болсон ОУОХ-ны чуулганаар 2032 оны зуны олимпын наадмыг Австралийн Брисбен хотод зохион байгуулахаар шийдвэрлэжээ. Чуулганд оролцсон Күинслэнд мужийн захирагч Анастейша Палашук, Брисбен хотын дарга Адриан Шриннер, Спортын сайд Ричард Колбэк тэргүүтэй Австралийн төлөөлөгчид баярт мэдээг сонсоод тус хотод баярын салют буудуулсан байна. 2032 оны олимпын наадам зохион байгуулах сонирхолтой байгаагаа Энэтхэг, Индонез, Катар, Герман, Испани улс уламжилсан ч Австрали шалгарчээ. Тус улсад өмнө нь 1956, 2000 оны олимпын наадам болсон юм.
Бэлтгэсэн Г.Цэцэг
