“European athletics” байгууллага 2021 оны тивийн шилдэг эмэгтэй тамирчныг тодруулах санал асуулга явуулж байна. Оны шилдэгт өндрийн харайгч М.Ласицкене, тулгууртай харайгч А.Сидорова (хоёул ОХУ), гүйгч Л.Мьюр, ойрын зайн гүйгч К.Хожкинсон (хоёул Британи), гурвын харайлтын тамирчин П.Мамона (Португал), холын зайн гүйгч С.Хассан (Нидерланд), саадтай гүйлтийн Ф.Бол (Нидерланд), жад шидэгч М.Андрейчик (Польш), спорт алхалтын А.Пальмизано (Итали), долоон төрөлтийн тамирчин Н.Тиам (Бельги), уртын харайгч М.Михамбо (Герман), дүүгүүр шидэгч А.Влодарчик (Польш) нар нэр дэвшээд байна. Цахим санал хураалт ирэх сарын 3-нд дуусах юм.
