АНУ-ын Өмнөд Дакота мужийн Янктон хотод зохион байгуулж буй байт харвааны ДАШТ-ий рекурв холимог багийн төрөлд өрсөлдсөн ОУХМ Д.Дашнамжил, А.Отгонжаргал нар Нидерландын багийнхныг өчигдөр 5:1 (38:38, 37:32, 37:36)-ээр хожиж, шилдэг наймд тунав. Манайхан өмнөх өдөр нь Италийн хүчирхэг багийг (Мауро Неспо Токиогийн олимпын эрэгтэйчүүдийн хувийн харваанд хүрэл, ДАШТ-ий алт, мөнгөн медальт, Лучилла Боари Токиогийн олимпын эмэгтэйчүүдийн хувийн харваанд хүрэл, Европын наадмын мөнгөн медальт) 5:3 (35:33, 35:32, 33:40, 34:34)-аар илүүрхэж, үзэгчдийн анхаарлыг татсан юм. Тэгвэл тэд БНСУ-ын багийнхантай (Ан Сан Токиогийн олимпын алтан медальт, Ким Ву Жин олимпын хошой аварга, ДАШТ-ий дөрвөн алтан медальт) хагас шигшээд шалгарах харваанд цэц сорино.
