Азийн шатрын холбооноос www.tornelo. com платформд энэ сарын 23-25-нд тивийн эмэгтэйчүүдийн аварга шалгаруулах шатрын тэмцээнийг зохион байгуулахад 15 орны 74 шилдэг шатарчин оюун ухаанаа сорив. Тус тэмцээнд Монгол Улсаа төлөөлж оролцсон үндэсний шигшээ багийн шатарчдаас Гавьяат тамирчин, олон улсын мастер Б.Мөнгөнтуул, олон улсын мастер Т.Мөнхзул нар өрсөлдсөн юм. Т.Мөнхзул есөн өргөөс 6.5 оноо авсан амжилтаар хүрэл медаль хүртлээ.
