Биеийн тамир, спортын улсын хорооны харьяа Спортын анагаах ухаан, эрдэм шинжилгээний төвийнхөн тамирчдын эрүүл мэнд, гэмтэл бэртлийг сүүлийн үеийн техникээр оношлох зорилгоор “IT” эрүүл мэндийн лабораторитой хамтран ажиллах гэрээ байгууллаа. Гэрээний дагуу тамирчид тус лабораторид цусны дэлгэрэнгүй, витамин, эрдэс, микро элемент, элэгний үйл ажиллагаа, вирусын халдвар, нойр булчирхай, зүрх судасны зэрэг бүх төрлийн шинжилгээ болон компьютер томографи, рентген, MRI зэрэг оношилгоог хөнгөлөлттэй үнээр хийлгэх боломжтой болсон хэмээн БТСУХ-оос мэдээллээ.
