Хил орчмын бүсэд 2477 аргаль бүртгэжээ
Үүнийхээ хүрээнд талууд энэ удаа Монголын Сийлхэмийн нурууны байгалийн цогцолборт газрын А, Б хэсэг, түүний орчны бүс, ОХУ-ын Сайлюгемийн үндсэн паркийн хилийн нутаг дэвсгэрт тогтоосон маршрутын дагуу судалгаагаа зэрэг эхлүүлж, амжилттай дуусгажээ. Судлаачид тооллогын явцад хил орчмын 111 цэгээс дээж авч, аргалийн тархац, байршил, тоо толгойг тогтоосон байна. Манай талаас Дэлхийн байгаль хамгаалах сангийн Монгол дахь хөтөлбөрийн газар, Увс аймгийн Байгаль орчин, аялал жуулчлалын газар, Увс нуурын ай савын улсын тусгай хамгаалалттай газар нутгийн хамгаалалтын захиргааны мэргэжилтнүүд болон байгаль хамгаалах нөхөрлөлүүд үүнд оролцжээ.
2023-11-15
Өвөлжилт хүндэрсэн нутгуудад дахин их хэмжээний цас орж, шуурна
Иргэд зам товчлох зорилгоор гол, нуурын мөсөн дээгүүр зорчиж байгаад тээврийн хэрэгсэлтэйгээ осолдох тохиолдол орон нутагт олон гарч байгааг ОБЕГ-аас мэдээлэв. Он гарснаас хойш улсын хэмжээнд энэ төрлийн 21 дуудлага бүртгэгдсэн бөгөөд алба хаагчид 35 хүний амийг авран, 16 тээврийн хэрэгслийг татан гаргажээ. Цаг уурын байгууллагаас мэдээлснээр ихэнх гол, нуурын мөсний зузаан 10-25 см болсон ч олон жилийн дундаж хэмжээнд хүрэхгүй, өнгөрсөн жилийн мөн үеийнхээс 10-30 см-ээр нимгэн, хүн, мал, тээврийн хэрэгсэл аюулгүй зорчих боломжгүй байгааг анхааруулав.
2023-11-15
Дэлхийн жишгээс “гээгдэж”, төрд үл тоогдсон номын сан
Лондон хотод байрладаг Британийн үндэсний номын сан жилд дунджаар 1.8 сая хүнд үйлчилдэг гэнэ. Ойролцоогоор өдөрт 4000 гаруй үйлчлүүлэгч хүлээн авдаг гэсэн үг. 170-200 сая ном, сурвалжтай, 2000 гаруй ажилтантай. Харин Вашингтон хотод байрлалтай Конгрессын номын сан жилдээ 1.9 сая хүнд үйлчилгээ үзүүлдэг, ажилтнуудынх тоо 3000 гаруй. 175 сая орчим номтой. Бээжин хотод орших Хятадын үндэсний номын сан жилд 5.2, сард ойролцоогоор 433, өдөрт 14 мянга гаруй иргэнд үйлчилгээ үзүүлдэг байна. 42.3 сая каталоги бүхий бүтээлтэй, 1500 орчим ажилтантай. Лейпциг, Франкфуртэд салбартай Германы үндэсний номын сан жилд 350 мянга гаруй үйлчлүүлэгч хүлээн авдаг, нийт 700 гаруй ажилтантай. Эдгээр тоо баримтаас улс орнуудын үндэсний номын сан гэж ямар нүсэр бүтэцтэй, өргөн цар хүрээнд үйл ажиллагаа явуулдаг байгууллага байдгийг баримжаалж болохоор байна. Үүнээс шалтгаалаад номын сангуудад зарцуулдаг төсөв мөнгөнийх нь хэмжээ ч “том” байдаг аж.
2023-11-15
Мөсөнд авиралтын цомын аварга шалгаруулах тэмцээн болно
Монголын уулчдын үндэсний холбоо, “Монголиа экспедишнс энд турс” ХХК хамтран зохион байгуулдаг “Kharkhorum ice festival” мөсөнд авиралтын цомын аварга шалгаруулах тэмцээн ирэх сарын 9-10-нд болох нь. Эл арга хэмжээг уламжлал ёсоор Өвөрхангай аймгийн Бат-Өлзий сумын нутаг дахь Улаан цутгалангийн хүрхрээнд зохион байгуулах аж. Энэ үеэрх тэмцээнүүдийг мэргэжлийн тамирчид, сонирхогчдын дунд эрэгтэй, эмэгтэй гэсэн ангилалд явуулах бөгөөд оролцох хүмүүс урьдчилан бүртгүүлж, арванхоёрдугаар сарын 8-нд Улаан цутгалангийн хүрхрээнд очсон байх ёстой гэнэ.
2023-11-10
Богино настай шийдвэрүүдэд “тарамдуулсан”, бодлогын залгамжгүй хот
Уг нь бидэнд энэ сонголтыг эрт хийж, өнөөгийн асуудал, бэрхшээлүүдийг тойрох боломж байсан. Нийслэлийн удирдлагууд барьж авсан ажлынхаа ард гардаг, бодлого, төлөвлөгөөгөө ягштал баримталдаг байсан бол улаанбаатарчууд аль хэдийн метротой болчих байв. Э.Бат-Үүл 2012-2016 онд хотын даргаар ажиллахдаа Улаанбаатарт метро барих санаачилга гаргаж, холбогдох тооцоо, судалгааг маш чамбай хийлгэсэн юм билээ. Түүгээр ч зогсохгүй түгжрэлийг бууруулах чиглэлээр урт, богино, дунд хугацаанд хэрэгжүүлэх ажлуудын доторметро, төмөр замын шугам байгуулах зэргийг оруулж, нэгдсэн төлөвлөгөөнд тусгуулж байжээ. Харамсалтай нь, түүнийг ажлаа өгөхтэй зэрэгцэн энэ санаачилга нуран унасан юм.
2023-11-10
820 мал хорогдож, 170.2 сая төгрөгийн хохирол учирсан гэж урьдчилсан байдлаар тогтоолоо
Энэ сарын 3-5-нд их хэмжээний цас орсноос өвөлжилт нь хүндрээд буй Төв аймгийн Лүн, Эрдэнэсант сумд өчигдрөөс УОК-ын ажлын хэсэг ажиллаж эхлэв. Тус бүрэлдэхүүн сумдын Онцгой комисст шаардлагатай техник хэрэгсэл, хүн хүчний дэмжлэг үзүүлж, мэргэжил, арга зүйн туслалцаа үзүүлж байгаа бол ОБЕГ-ын харьяа Үндэсний аврах бригадынхан Төв аймгийн Онцгой байдлын газрын алба хаагчидтай хамтран цасанд хаагдсан зам, гарцыг нээх, малчдыг нүүлгэн шилжүүлэх ажлыг зохион байгуулж байна.
2023-11-09
Өвлийн аялал жуулчлалд ээлгүй “Монголд зочлох жил”
Өнөө жил нийт 93 арга хэмжээ төлөвлөсний 88-ыг нь өнгөрсөн саруудад буюу жуулчлалын идэвхтэй улиралд зохион байгуулжээ. Үлдсэн цөөнийг нь харвал “Талын түмэн адуу”, “Хархорум фестиваль”, “Агтана хүрээт” зэрэг жуулчдыг татахад төдийлөн нэмэргүй, хуучин үйл ажиллагаа байх аж. Эндээс л бид өвлийн аялал жуулчлалд хэр зэрэг ач холбогдол өгч байгаа нь тодорхой харагдана.
2023-11-08
Асралт хайрханд түр амрах, отоглох цэг байгуулав
Хан Хэнтийн улсын тусгай хамгаалалттай газрын хамгаалалтын захиргаа “Мазаалай” клубтэй хамтран Асралт хайрхан уулын явган аяллын зам, маршрутын дагуу тэмдэг, тэмдэглэгээ тавьж, түр амрах болон отоглох цэг байгуулжээ. Хэнтийн нурууны ноён оргил болсон тус уулын маршрутаар жилд дунджаар 1000 орчим иргэн явганаар зорчдог гэнэ. Уулын спортын мэргэжлийн тамирчид ч Асралт хайрханыг зорих нь олон аж. Тухайн хэсгийн замд аялагч, алхагчдад зориулсан тэмдэг, тэмдэглэгээ байдаггүйгээс иргэд төөрөх, аюул эрсдэлтэй газраар явах, бэртэж гэмтэх тохиолдол цөөнгүй гардаг байна. Иймд дээрх байгууллагынхан зорчигчдын хэрэгцээ шаардлагад тулгуурлан энэ ажлыг санаачилжээ.
2023-11-07
“Талын түмэн адуу”-г ес дэх удаагаа Хөхүүрийн талд “хураана”
Наадам зохион байгуулах комиссынхон арга хэмжээний эхний өдөр зорин ирсэн жуулчдыг орон нутагтайгаа танилцуулж, “Тэнгэрийн андгай”, Бэрхийн далд уурхайн музей зэрэг хөшөөт цогцолбор, соёлын үйлчилгээний газруудаар аялуулах бол 18-нд үндсэн үйл ажиллагаагаа эхлүүлэх нь. “Талын түмэн адуу-2023”-ын нээлт тухайн өдрийн 11.00 цагт эхэлж, морьтой жагсаал, гэр музейн үзэсгэлэн, тайга нохой, сайхан хос шалгаруулах, сээр цохих тэмцээнээр үргэлжлэх аж. Харин сүүлчийн өдөр нь “Шургуу-2023” тэмцээн, богино зайн уралдаан явуулахаар төлөвлөжээ. Мөн жуулчид болон сонирхогчдод зориулан адуу зүслэх, эмнэг булгиулах зэрэг сонирхолтой үзүүлбэр, тэмцээн зохион байгуулахаар хөтөлбөртөө оруулсан байна. Энэ үеэр зохион байгуулах тэмцээн, уралдаануудад 40 адуучин бүртгэж, оролцуулах гэнэ.
2023-11-07
Даван туулагч хүүхдүүдтэй ажилладаг сэтгэл зүйчдийг чадавхжуулна
Хүүхдийн эсрэг бэлгийн хүчирхийллийг таслан зогсоох чиглэлээр үйл ажиллагаа явуулдаг “Хөөрхөн зүрх” төрийн бус байгууллагынхан энэ сарын 7, 8-нд сэтгэл зүйчдэд зориулсан танхимын сургалт үнэ төлбөргүй зохион байгуулах гэж байна. Бэлгийн хүчирхийлэлд өртсөн хүн, тэр дундаа хүүхдэд үйлчилгээ үзүүлэхэд сэтгэл зүйчээс мэргэжлийн ур чадвар, нарийн мэдрэмж шаарддаг гэнэ. Тухайн хүүхдийн нас, сэтгэхүйн онцлог, хэрэгцээ шаардлагыг зөв тодорхойлохоос энэ бүхэн эхэлдэг аж. Иймд даван туулагч хүүхдүүдтэй ажилладаг мэргэжилтнүүдийг чадавхжуулах, шаардлагатай тусламж, үйлчилгээ үзүүлэх боломжоор хангах үүднээс эл арга хэмжээг санаачилжээ. “Сэтгэцийн гэмтэлд суурилсан үйлчилгээ үзүүлэх нь” сэдэвт сургалтыг дээрх байгууллагын тэргүүн, сэтгэл зүйч А.Хонгорзул, П.Энхчимэг нар удирдан явуулах нь.
2023-11-01
Хөвсгөл нуураас загас барихаар нэг км тор тавьсан байжээ
Засгийн газраас Хөвсгөлийг хамгаалах, бохирдлыг бууруулах чиглэлд ихээхэн анхаарч, нуурын ёроолд живсэн техник хэрэгслийг татан гаргах ажлыг үе шаттай зохион байгуулж буй ч орон нутгийн иргэд, аялагчид ийм байдлаар байгальд хохирол учруулсаар байгаа аж. Иймд тусгай хамгаалалттай газрынхан тогтмол хяналт шалгалт, эргүүл хийж эхэлжээ. Ташрамд дурдахад, жил бүрийн дөрөвдүгээр сарын 1-нээс зургаадугаар сарын 15 хүртэлх хугацаанд орон даяар загас барихыг хориглодог бол улсын тусгай хамгаалалттай бүсэд агнуур хийх нь бүх үед хуулиар хориотой.
2023-11-01
Улаанбаатарт ужгирсан газрын наймааг шинэ зохицуулалтаар цэгцэлж чадах уу
Монгол Улсын иргэнд газар өмчлүүлэх тухай хуульд зааснаар иргэд нийслэлд 0.07, аймгийн төвд 0.35, сумын төв, тосгонд 0.5 хүртэлх га газрыг нэг удаа үнэгүй өмчлөх эрхтэй. Мөн нийслэлийг орон нутагтай холбосон улсын чанартай авто зам дагуух хэсэгт 0.07 га газар авах боломжтой. Улаанбаатар хотын хэмжээнд өдгөө үүний дагуу газраа өмчилсөн 205 мянга орчим иргэн бий гэнэ. Тэдэнд олгосон нийт талбайн хэмжээ нь 11 орчим мянган га. Нийслэлийн удирдлагууд сүүлийн жилүүдэд, тодруулбал, 2018 оноос хойш энэ тоо (өмчлөлийн зориулалтаар олгосон газрын хэмжээ)-г тогтвортой, “хөдөлгөөнгүй” байлгах бодлого баримталж иржээ. Харин цаашид хууль, эрх зүйн хүрээнд хязгаарлалт тогтоох замаар илүү хатуу чанд хэрэгжүүлэх боломж бүрдүүлэх нь.
2023-11-01
Мод үржүүлгийн хоёр компанид тоног төхөөрөмж өгөв
Дэмжлэг авсан аж ахуйн нэгжүүд дээрх агентлагаар дамжуулан, “Тэрбум мод” үндэсний хөдөлгөөнийг дэмжиж, ойжуулалт, цэцэрлэгжүүлэлтийн зориулалтаар тодорхой хэмжээний тарьц, суулгац нийлүүлэх үүрэг хүлээж буй аж. Мэргэжлийн байгууллагуудыг ингэж дэмжсэнээр ойжуулалт, нөхөн сэргээлтэд шаардлагатай, Монгол орны хөрсөнд ургуулсан, стандартын шаардлага хангасан тарьц, суулгацын нөөц бүрдүүлэхэд чухал ач холбогдолтой гэж үзсэнбайна.
2023-10-31
“Аялал жуулчлал сэргэсэн ч ажиллах хүчин хомсдолтой байна”
“Мишээл экспо” төвд энэ сарын 27-29-нд болсон “Ай Ти Эм” олон улсын аялал жуулчлалын үзэсгэлэнгийн хөдөлмөрийн яармагийн үеэр Монголын аялал жуулчлалын холбооны гүйцэтгэх захирал Д.Отгонбаяр “Цар тахлын үеэр хамгийн их хохирол амссан нь аялал жуулчлалын салбар. Тур оператор компаниудын 60 хувь нь энэ үеэр ажилтнуудаа алдсан. Ажилтнаа “хамгаалж”, хадгалж авч үлдсэн гэх 40 орчим хувь нь ч хүндхэн нөхцөл байдалтай, цалингаа арайхийн тавьж, хүмүүсээ торгоож байсан. 2023 онд аялал жуулчлал сэргэсэн ч тогтвортой ажиллах, мэргэжилтэй боловсон хүчин эрэлттэй, хомсдолтой хэвээр. Мэргэжлийн хүнийг ажиллуулахаасаа илүү гэр бүл, ойр дотнынхноо дайчлах замаар хүний нөөцийн асуудлаа шийддэг аж ахуйн нэгж, байгууллага олон байна. Үүнээс үүдээд үйлчилгээний чанар, хүртээмжтэй холбоотой олон бэрхшээл тулгарч буй” гэлээ.
2023-10-30
Байгаль орчны эрх зүй, танин мэдэхүйн танхимыг тохижуулжээ
Ингэснээр экологич, мэргэжилтнүүд хууль бус антай холбоотой мэдлэг, ойлголт олгох “Амьд үлдээгээч” өртөөчилсөн сургалтыг үр дүнтэй зохион байгуулах, хэрэглэгдэхүүн, үзүүлэн таниулах материал бүхий шинэ танхимтай болов. Танхимын гол хэсэгт “Хууль ба миний орчин” сэдэвт хүрээлэн буй орчны эсрэг гэмт хэрэг, зөрчил, түүний хор уршгаас сэргийлэх арга замыг таниулах самбар, “Эрх зүйн тухай энгийнээр” цуврал контентыг видео, зураг хэлбэрээр үзэх дэлгэц байршуулжээ. Мөн Монгол Улсад нэн ховор, ховор амьтан, тусгай хамгаалалттай газар нутгийн тухай суурь мэдлэг, ойлголт өгөх зорилготой модон болон товгор үзүүлэн, зураг, бичвэр зэргийг сургалтад ашиглахаар бэлдсэн байна.
2023-10-27
Заган ой бүхий сум нэгээр нэмэгдэв
ШУА-ийн Газар зүй, геоэкологийн хүрээлэнгийн судлаач, доктор А.Хауланбек тэргүүтэй судлаачид ойн санг бүртгэх, нөхөн сэргээх ажлын хүрээнд Хөхморьт сумын нутаг, Монгол элсний улсын тусгай хамгаалалттай бүсэд хамаарах Нисдэг эрэг, Зөөхий хэмээх газарт ургаж буй заган ойг улсын ойн санд шинээр бүртгэжээ. Ташрамд дурдахад, манай улсын говь, цөлийн бүс дэх ойн санг бүрдүүлдэг заг, сухай, хайлаас зэрэг модлог ургамал нь тархцын хувьд бага боловч бүс нутгийн экосистемд чухал үүрэг гүйцэтгэдэг аж.
2023-10-27
“Бидний аяллын хамгийн том олз, үнэт зүйл бол найз нөхөд”
Яг л ийм зоримог хүслээр амьдралдаа, гэр бүлдээ, үр хүүхдүүдийнхээ өмнө гайхамшигт түүхийг бүтээж яваа Ш.Түвшинжаргал, Д.Амарзаяа нарыг энэ удаагийн “Хүмүүс” буландаа урьж, ярилцлаа. Хосууд одоогоос таван жилийн өмнө Улаанбаатараас Лондон хүртэл автомашинтай аялж, таван сарын хугацаанд 41 улсад очин, 47 000 км зам туулсан билээ. Харин өнгөрсөн оны зургаадугаар сард эхлүүлсэн Улаанбаатар-Сидней чиглэлийн ээлжит авто аяллаараа 16 улс дамжин 70 000 км зам туулсны эцэст зорьсон газартаа хүрсэн юм. Урт аянаас дөрөө мултлаад буй тэдний сонин сайхнаас хуваалцъя.
2023-10-27
Нэг сая га бүхий 11 газрыг хамгаалалтад авчээ
Эл төслийг байгалийн унаган төрх, биологийн олон янз байдлыг хамгаалах, бэлчээр, ойн доройтлыг бууруулах, экосистемийн үйлчилгээг сайжруулах зорилгоор Архангай, Баянхонгор, Говь-Алтай, Завхан аймгийн 15 сумд хэрэгжүүлж буй. Зөвлөгөөнд эдгээр аймаг, сумын төлөөлөл, төрийн болон төрийн бус байгууллагын мэргэжилтэн, нөхөрлөл, хоршоодын гишүүн 200 гаруй хүн оролцсон юм. Төслийн зорилтыг хангахын тулд бэлчээрийн мал аж ахуйг тоонд бус, чанарт суурилан хөгжүүлэх нь чухал гэдгийг оролцогчид энэ үеэр хөндлөө.
2023-10-27
Монгол Улс мазаалайг олон улсад сурталчлах логотой болно
Ерөнхийлөгчийн санаачилгын дагуу манай улс мазаалай хамгаалах цогц ажил хэрэгжүүлэхээр ажлын хэсэг байгуулсан. Эл ажлын хэсэг өнгөрсөн есдүгээр сард анхдугаар хурлаа хийхдээ мазаалай хамгаалах үндэсний хөтөлбөр батлах, эл амьтныг үндэсний бахархал болгох, жил бүрийн хоёрдугаар сарын 28-ныг говийн баавгайн өдөр хэмээн үндэсний хэмжээнд зарлах зэрэг санаачилга гаргасан. Тэгвэл цаашид мазаалайтай холбоотой бүх арга хэмжээг зохион байгуулж, сурталчлахдаа уралдаанаас шалгарсан логог ашиглах нь. Ташрамд дурдахад, эл ажлын хэсэг говийн баавгайг хамгаалах нэрийн дор үйл ажиллагаа явуулдаг төрийн бус байгууллагуудын үйл ажиллагаанд хяналт тавьж цэгцлэх, уялдуулах чиглэлээр өдгөө ажиллаж буй гэнэ.
2023-10-25
“Цоохор ирвэсийн эх нутаг” үзэсгэлэнд 40 уран бүтээлч нэгдлээ
Цоохор ирвэс хамгаалах олон улсын өдрийг баруун аймгийнхан өргөн дэлгэр тэмдэглэдэг заншилтай. Өнөө жилийнхийг Дэлхийн байгаль хамгаалах сангийн Монгол дахь хөтөлбөрийн газар Монгол Алтайн нурууны улсын тусгай хамгаалалттай газрын хамгаалалтын захиргаа, Баян-Өлгий аймгийн Байгаль орчин, аялал жуулчлалын газар хамтран “Ирвэсийн эх нутаг” нэрийн дор зохион байгуулж, дөрвөн аймгийн 27 сумын 81 сурагч, 27 багш, мэргэжилтнийг хамруулжээ. Үүний хүрээнд гар зургийн үзэсгэлэн, нэгдсэн парад, ирвэс хамгааллын сэдэвт хэлэлцүүлэг зэрэг арга хэмжээ зохион байгууллаа.
2023-10-24
