Монголын жүдо академийнхан иж бүрэн медаль хүртэв
ОХУ-ын Улаан-Үдэд зохион байгуулсан, 15 хүртэлх насныхны олон улсын өсвөр үеийнхний “Триумф энержи” лигийн II шатанд манайхаас Монголын жүдо академийн хөвгүүдийн баг оролцлоо. Тэд Алс Дорнодын холбооны бүсэд харьяалагдан, таван орны 2000 гаруй тамирчинтай долоон дивизионд хуваагдаж хүч сорив. Тэднээс 60 кг-д Б.Мөнгөндөл өрсөлдөгчдөдөө нэг ч ялагдалгүй буулган авч, тэргүүн байрт шалгарав. Тэгвэл 66 кг-д Б.Эрдэмбилэг мөнгө, П.Азжаргал хүрэл медаль хүртжээ. Ийнхүү Монголын жүдо академийнхан тус тэмцээнээс иж бүрэн медальтай ирэв. Жүдо бөхтэй холбоотой өөр нэгэн мэдээ дуулгахад, үндэсний шигшээ багийнхан Гүржийн Тбилиси хотоос дараагийн “Их дуулга”-д зодоглохоор Туркийн Антальяг зорьжээ. Тэнд 84 орны 620 жүдоч өрсөлдөх тэмцээнд ОУХМ Б.Эрхэмбаяр (66 кг), Г.Алтанбагана, Л.Сосорбарам (52), Л.Энхрийлэн (57) нар барилдахаар мөн очсон байна.
2023-03-30
Ш.Энхийн-Од шинэ тоглогчдын сонгон шалгаруулалтад оролцох нь
Түүнд NCAA-ийн шилжилт, наймааны цонхоор өөр их сургуулийн багт тоглох боломж байсан. Гэсэн ч мэргэжлийн замналаа эхлүүлэхийг илүүд үзсэн бололтой хэмээн хэвлэлүүдэд бичжээ. “NBA draft 2023” нь Нью-Йоркийн Брүүклинд ирэх зургадугаар сарын 22-нд болох юм. Сонирхуулахад, түүний гэр бүлийн баримтат киноны II бүлэг ирэх дөрөвдүгээр сарын 10-наас эхлэн долоо хоног бүрийн даваа гарагт “Premier sports network 1” сувгаар гарах гэнэ. Өмнөх бүлэгт нь гэрийнхэн нь түүнийг хэрхэн дэмжин, тэмцэж буй, мөн өвөө, аав, ач гурван үеэрээ сагсан бөмбөгийн шигшээ багтаа тоглож байгаа дурсамж, намтрыг харуулжээ. Энэ удаагийнх Дэйтоны их сургуулийн “Флайерс” багийнхны NCAA-ийн улирлын тоглолтоор “аялуулах” нь.
2023-03-30
Т.ПҮРЭВДОРЖ: Монголын даамчид тивдээ тэргүүлэх байр сууриа алдахад ойрхон байна
Даамын спортын ахмад дасгалжуулагч Т.Пүрэвдорж багш эрэл зураглалын геологич инженер мэргэжилтэй. Тэрбээр 1965 оноос 100 буудалт даамаар хичээллэж, насанд хүрэгчдийн УАШТ-ий хоёр алт, дөрвөн мөнгө, ахмадынхаас таван алт, зургаан мөнгө, таван хүрэл медаль хүртэж, нийслэлийн АШТ-д долоон удаа түрүүлжээ. Эх орондоо даамын спортыг хөгжүүлэхийн төлөө хувь нэмрээ харамгүй оруулж, олон улсын чанартай тэмцээнийг нэг бус удаа зохион байгуулж, ерөнхий шүүгчээр нь ажилласан юм. Дасгалжуулагчаар 30 гаруй жилажиллахдаа өсвөр үеийнхэн, залуучуудыг уйгагүй бэлтгэл хийлгэж, 500 орчимшавь төрүүлжээ. Тэдний дотор ОУИМ найм, Дэлхийн даамын холбооны мастер 12, спортын мастер цолтой 50 гаруй тамирчин бий. Тив, дэлхийн аварга цолтон цөөнгүй бэлтгэн, даам сонирхогчдод зориулан 20 ном хэвлүүлж, олны хүртээл болгосон түүнийг зочноор урилаа.
2023-03-29
Дугуйчид олимпын эрхийн оноо цуглуулах тэмцээнүүдэд оролцоно
Тайваньд зохион байгуулсан “Tour de Taiwan” олон улсын олон өдрийн уралдаанд Монгол Улсын дугуйн шигшээ, Малайзын “Теренгану полигон” мэргэжлийн багийн тамирчин, ОУХМ С.Жамбалжамцын багийнхан амжилттай хурд сорьж, аварга болжээ. С.Жамбалжамц таван өдрийн уралдааны нийлбэр дүнгээр 15 дугаар байр эзэлж, Азийн шилдэг гурван дугуйчны нэгээр шалгаран, Монголын дугуйн холбоонд Парисын олимпын эрх авах нийт 11 оноо авчирсан байна.
2023-03-28
Филиппиний хоккейчид ирэх жил III дивизионы ДАШТ-д оролцох нь
Монгол Улсын Ерөнхийлөгчийн ивээл дор зохион байгуулсан, хоккейн IV дивизионы ДАШТ “Степпе арена”-д Филиппин, Индонез шигшээгийн тоглолтоор эхэлж, Монгол, Индонезийн багийнхны “тэмцлээр” өндөрлөв. Эхний өдрийн тоглолтод филиппинчүүд эсрэг багийнхныг 14:0-ээр илүүрхэж, манайхантай үзүүр, түрүүнд үлдэх чухал тоглолт өрнүүлэхээр болсон юм. Монголын хоккейчид Кувейтийн тоглогчдыг мөсөн талбайд 8:0-ээр хожиж, филиппинчүүдтэй ширүүхэн тулах хүчтэй өрсөлдөгч болохоо харуулав. Гурав дахь тоглолтод Индонез, Кувейтийн тамирчдыг 2:4- өөр буулгаж авснаар анхны ялалтаа байгууллаа. Манай баг хоёр дахь тоглолтоо филиппинчүүдтэй хийж, I үеийг 0:3-ээр өндөрлүүлж, III үед тоглолтын үндсэн цагт оноог 6:6 болгож тэнцүүлсэн юм.
2023-03-27
Б.Эрдэнэбаяр Тбилисийн “Их дуулга”-д аваргалав
Гүржийн нийслэл Тбилиси хотод өнгөрсөн амралтын өдрүүдэд зохион байгуулсан жүдогийн “Их дуулга” тэмцээнд Монголын тамирчид үндэсний шигшээ багийн ахлах дасгалжуулагч Х.Болдбаатар, мөн Г.Болдбаатар, Б.Хишигбаяр нарын удирдлагад оролцлоо. Эмэгтэйчүүдээс 48 кг-ын жинд ОУХМ Г.Наранцэцэг хүрэл медалийн төлөөх барилдаанд Италийн Франческа Миланийг үүрэх мэхээр буулган авч, шагналын тавцанд зогсов.
2023-03-27
М.Энхжаргал ДАШТ-ий медалийн төлөө тулалдах нь
Энэтхэгийн Шинэ Дели хотод үргэлжилж буй сонирхогчдын боксын насанд хүрэгчдийн эмэгтэйчүүдийн ДАШТ-д 65 орны 300 гаруй тамирчин өрсөлдөж байна. Монголын шигшээ багийнхнаас 48 кг-д Л.Алтанцэцэг тоглолтын салхи хагалж, Францын Беннама Римтэй тулалдан, 5:0-ээр илүүрхэн, анхны ялалтаа байгуулсан.
2023-03-22
Хөлбөмбөгчид Гүржийг зорино
Монголын хөлбөмбөгийн үндэсний шигшээ багийнхан Гүржийн тамирчидтай Батуми хотод энэ сарын 25-нд нөхөрсөг тоглолт хийх нь. Тэмцээнд оролцох 23 тамирчныг зарласнаар тэд ахлах дасгалжуулагч Ичиро Оцүкагийн удирдлагад бэлтгэлдээ гарсан байна.
2023-03-21
УАШТ-ий шигшээд өрсөлдөх шатарчид тодров
Насанд хүрэгчдийн улсын аварга шалгаруулах эрэгтэйчүүдийн 61, эмэгтэйчүүдийн 53 дахь удаагийн шатрын тэмцээний хагас шигшээ тэмцээн зургаа хоног үргэлжилж, өчигдөр өндөрлөлөө.
2023-03-21
Ичиро Оцүкаг “Олимпын алдар” одонгоор шагналаа
Монголын хөлбөмбөгийн шигшээ багийн ахлах дасгалжуулагч, Японы мэргэжилтэн Ичиро Оцүкагийн энэ спортод оруулсан хувь нэмрийг үнэлж, МҮОХ-ноос “Олимпын алдар” одонгоор шагналаа. Тэрбээр шигшээгийн тамирчдыг энэ жил хөлбөмбөгийн ДАШТ-ий урьдчилсан шатны болон цөөнгүй чухал тоглолтод сойно.
2023-03-16
Монголын тамирчид Тайландын багтай тоглоно
Тоглолтын шилдгээр Узбекистаны шигшээгээс хаалгач нь, Монголын багаас Б.Билгүүн шалгарав. Манайхан сүүлийн тойрогт Туркменистан, Тайландын шигшээгийнхэнтэй тоглохоор учраа таарсан. Гэхдээ тэмцээн өндөрлөх болоогүй, тойргийн тоглолт ч дуусаагүй байна.
2023-03-16
Б.Тэгшбаяр аваргын шар цамцны эзэн боллоо
“Алдар” спорт хорооны тамирчин, дэлхийн аварга, ОУХМ Б.Тэгшбаяр Тайланд улсын мэргэжлийн дугуйн “Roojai online insurance” багт өнгөрсөн нэгдүгээр сараас нэгдэж, олон улсын тэмцээн үүдэд хурд сорьж байгаа
2023-03-15
