Аэробик гимнастикийн Азийн аварга шалгаруулах тэмцээн болно
Улаанбаатарт тэмцээн эхлэхээс өмнө Азийн гимнастикийн холбооны Техникийн хорооны зөвлөлийнхөн ирж, энэ удаагийн болон ирэх дөрвөн жилийн тэмцээний төлөвлөгөөг гарган, ямар улсад хэрхэн зохион байгуулах талаар хэлэлцэх юм байна. Монгол Улс тивийн АШТ-ийг эх орондоо зохион байгуулах эрхийг 2020 онд Вьетнам, Филиппинтэй өрсөлдөж авчээ. Манайх дээрх тэмцээнийг 2017 онд эх орондоо анх удаа зохион байгуулж байв. Уг тэмцээн өндөрлөсний дараа үргэлжлүүлээд Нийтийн гимнастикийн олон улсын холбооны сургалт болж, энэ он дуустал таван томоохон арга хэмжээ зохион байгуулахаар төлөвлөжээ.
2023-09-13
С.БУДХҮҮ: Шавь нарынхаа харцнаас хүсэл мөрөөдлийг нь олж хараад шантрах эрхгүйгээ ойлгосон
Дэлхийн тулааны дэвжээнд 2011 оноос хойш дөрвөн удаа гарахдаа шагналын тавцанд найман удаа зогссон бахархам түүх түүнд бий. Өдгөө Завхан аймгийн Улиастай дахь Цагдаагийн газрын Нийтийн хэв журам хамгаалах тасгийн хэсгийн байцаагчаар ажилладаг тэрбээр ахмад цолтой. “Цэцэн шонхор” клубийг үүсгэн байгуулсан цагаасаа шавь нараа дасгалжуулж, тивийн болон олон улсын тэмцээнд сойдог болжээ. Аймгийнхаа дөрвөн сумд салбар клубээ нээж, таеквондогоор хичээллэх сонирхолтой хүүхэд, залуусыг тамирчнаар бэлтгэсэн түүнийг зочноор урилаа.
2023-09-12
Ш.БАТСҮХ: Идэвхтэй амьдрахын төлөө цаг зав гаргах хэрэгтэй
Түүний насандаа баймгүй эрч хүч, бэлтгэлээ таслахгүй хийдэг тууштай байдлаас олон залуус үлгэр дуурайл авдаг. Спорттой нөхөрлөсөн амьдралд нь сайхан дурсамж, өөдрөг бодол үлдээсэн тэмцээн цөөнгүй бий. Тухайлбал, БНСУ-ын Жонбук хотод өнгөрсөн тавдугаар сард зохион байгуулсан Ази, Номхон далайн орнуудын мастеруудын II наадмаас тэрбээр гурван алт, нэг мөнгөн медаль хүртсэн. Тус наадмын хөнгөн атлетикийн 400, 800,1500 метрийн зайн гүйлтийн төрөлд түрүүлж, 5000 метрийнхэд удаалсан юм. Үүнээс өмнө Малайзын Куала-Лумпур хотод 2010 онд болсон мастеруудын хөнгөн атлетикийн 16 дахь удаагийн Ази тивийн АШТ-д оролцож, 5000 метрийн зайд түрүүлж байв.
2023-09-08
Монголын хоёр баг нэг хэсэгт багтжээ
Монголд ирэх амралтын өдөр зохион байгуулах сагсан бөмбөгийн “FIBA 3x3 sansar challenger-2023” тэмцээнд 16 орны шигшээтэй “Улаанбаатар ММС энержи”, “Сансар ММС энержи”, “Зайсан МИГ даатгал”, “Баянгол бронкос” багийнхан өрсөлдөхөөр бэлтгэлээ базааж байна. Тэмцээний урьдчилсан шатанд зургаан баг тоглон, хэсгээ тэргүүлсэн нэг нь үндсэн С хэсэгт орж, цааш өрсөлдөх юм. Энэ удаа урьдчилсан шатанд Латвийн “Рига”, АНУ-ын “Омаха”, Монголоос “Зайсан МИГ даатгал”, “Баянгол бронкос” багийнхан нэг хэсэгт багтжээ. Одоогоор Сербийн баг амжилтаараа дэлхийн чансааг тэргүүлж буй. Сонирхуулахад, тус тоглолтын дараа энэ сарын 13-нд Шанхайн “Их дуулга”-д өрсөлдөх эрх олгох “Energy 3x3 quest-2023” тэмцээн эхэлнэ. Зургаан хоног үргэлжлэх уг тэмцээний эхний шатны тоглолтууд “Парк 3х3 гарден”, “Romano сup”-т, аваргын төлөөх нь энэ сарын 18-нд “UG аrena”-д болно.
2023-09-07
15 хүртэлх насныхан III байрт шалгарчээ
Ингэснээр эл тэмцээний V байрын төлөөх тоглолтыг B хэсгийн гуравт жагссан Хонконгийн шигшээ багтай өнөөдөр хийх нь. Тэгвэл Саудын Арабын Абха хотод Азийн хөлбөмбөгийн холбооны 23 хүртэлх насныхны цомын тэмцээн мөн өнөөдөр эхэлж байна. Монголын тамирчид салхи хагалж, эхний тоглолтоо эзэн орны багийнхантай өрнүүлнэ. Ташрамд дуулгахад, футзалын “Азийн цом” болон “ДАШТ-2026”, “Ази тивийн АШТ- 2027” тэмцээний урьдчилсан шатны тоглолтыг Улаанбаатарт ирэх сарын 7-17-нд зохион байгуулахаар боллоо. Футзалын төрөлд БНСУ, Непал, Вьетнамын багийнхан оролцох бол ДАШТ-ий урьдчилсан шатныхад Афганистаны шигшээгийнхэн тоглох юм.
2023-09-07
Модон барилдааны тамирчид Узбекистан улсыг зорив
Тэд УАШТ болон Азийн АШТ, ДАШТ-ий сорилго барилдаанд түрүүлснээр тус хотыг зорих эрх гарджээ. Багийнхнаасаа тэмцээний салхийг насанд хүрэгчдийн ангилалд эрэгтэйчүүдээс 65 кг-ын жинд Ц.Пүрэвсүрэн, О.Бямбацог нар хагалах нь. Тэдний дараа П.Чинзориг 70, И.Буяндалай 80, Ц.Өнөрбат 90, Б.Мөнхтүшиг 125 кг-д үргэлжлүүлэн өрсөлдөнө. Эмэгтэйчүүдээс 55 кг-д А.Гэрэлтуяа, 65 кг-д Х.Лхагвадолгор, +85 кг-д Б.Эрдэнэтуяа нар хүч сорих юм. Өсвөр үеийнхний ангилалд хөвгүүдээс 50 кг-д Э.Баттогтох, 60 кг-д Б.Эрдэм, Б.Пүрэвбат, 70 кг-д Л.Мөнх-Очир, 80 кг-д Б.Гарьд, +80 кг-д Ц.Цогт-Эрдэнэ нар хүч үзэх аж
2023-09-06
Ө.Гантөмөр ДАШТ-д хоёр дахь удаагаа түрүүллээ
Тэрбээр Болгар улсад 2019 онд болсон 21 дэх удаагийн ДАШТ-д түрүүлж байв. Эмэгтэйчүүдээс Б.Оюунжаргал III даны түль төрөлд (техник дасгалд) аваргалсан байна. Тэгвэл насанд хүрэгчдийн хосень сүль төрөлд эрэгтэйчүүд багаараа хүрэл медаль хүртсэн юм. Монгол Улсаас 54 тамирчин тус тэмцээнд өрсөлдсөнөөс тус бүр зургаан алт, мөнгө, есөн хүрэл медаль авлаа. Ингэснээр нийт дүнгээр VII байр эзэлсэн аж.
2023-08-31
“Улаанбаатар” клубийнхэн “AFC cup”-т оролцох нь
“Улаанбаатар” клубийнхэн 2022-2023 оны улирлын “Моби дээд лиг”-ийн аварга шалгаруулах тэмцээнд түрүүлсэн юм. Тэд тэргүүн байрын төлөө Ч.Мөнхбат дасгалжуулагчтай “Дэрэн” клубийнхэнтэй өрсөлдөж, анх удаа аваргаар шалгарсан билээ. “Улаанбаатар” клубийн тоглогчид дасгалжуулагч В.Бралусичийн удирдлагад бэлтгэл хийдэг.
2023-08-30
Д.НОМИНЗУЛ: Гэрийнхэндээ амлалт өгч, жүдогийн дэвжээнд дахин гарсан
Насанд хүрэгчдийн УАШТ-ий алт, хошой мөнгөн медальтай тэрбээр өмнө нь самбо бөхийн өсвөр үе, залуучуудын УАШТ-д тус бүр түрүүлж, олон улсын тэмцээнд зодоглох замаа засжээ. Узбекистан улсад болсон самбо бөхийн Азийн АШТ-д аваргалж, Сербид зохион байгуулсан өсвөр үеийн ДАШТ-ээс мөнгөн медальтай эх орондоо ирсэн нь түүний амжилтын эхлэл байв.
2023-08-29
Э.Содномпилжээ ДАШТ-ээс мөнгөн медаль хүртлээ
Гавьяат дасгалжуулагч Д.Баттулгын удирдлагад 107 кг-ын жинд оролцсон тэрбээр 247 кг-ыг өргөсөн байна. 2009 оноос өнөөг хүртэл эл спортоор тууштай хичээллэж буй тэрбээр өнгөрсөн жил Казахстаны Нур-Султанд болсон ДАШТ-д түрүүлж, дэлхийн дээд амжилтыг гурван кг-аар ахиулан шинэчилснээр “Гиннесийн ном”-д бичигдэж байсан билээ. Тив, дэлхийн шилдэг тамирчин болохоо амжилтаараа баталсаар буй түүний дараагийн тэмцээн нь БНХАУ-д болох Азийн наадам юм байна.
2023-08-28
Т.Отгонжаргал ДАШТ-ээс мөнгөн медаль хүртлээ
Хорват улсын Загреб хотод энэ сарын 26 хүртэл үргэлжлэх жүдо бөхийн өсвөр үеийнхний ДАШТ-д Монголын эрэгтэй, эмэгтэй тус бүр 10 тамирчин зодоглож буй. Тэднээс охидын 44 кг-ын жинд зодоглосон “Цагаанбаатар академи”, “Мон алтиус” ахлах сургуулийн тамирчин Т.Отгонжаргал медалийн салхи хагалж, шагналын тавцанд зогслоо. Тэрбээр эхний тойрогт Испанийн бөх Ирене Гарсия Санчес, дараагийнхад БНСУ-ын тамирчин Мүн Гавин, Колумбийн Мануэла Креспо, Туркийн Бегумназ Догруйоль нарыг илүүрхэж, хагас шигшээд шалгарсан юм. Аваргын төлөөх барилдаанд Бразилын жүдоч Кларис Рибейротой учраа таарч, Загребийн дэвжээнд үзүүрлэн мөнгөн медаль хүртлээ.
2023-08-25
Таеквондочид олимпын эрхийн оноогоо ахиулав
Энэ удаагийн тэмцээнд эрэгтэйчүүдээс Гавьяат тамирчин Г.Болор-Эрдэнэ, ОУХМ Х.Темирбек нар аваргалж, Б.Шинэбаяр хүрэл медаль хүртлээ. Х.Темирбек 2022 онд тус улсын Жэжү, өнгөрсөн сард Австралийн Брисбэнд болсон пара таеквондогийн нээлттэй тэмцээнээс алтан медальтай ирж байв. Дээрх тэмцээний эмэгтэйчүүдийн ангилалд оролцсон “Арслан” клубийн таеквондочдоос Д.Энхтэмүүлэн, О.Мөнхзул, Ц.Камал, Г.Өнө-Энх нар түрүүлж, олимпын эрхийн оноогоо ахиулжээ.
2023-08-24
Дугуйчид олон улсын тэмцээнд III байр эзлэв
Тэгвэл Төв аймагт 24 дэх удаагийн “Tour de Mongolie 2023” долоон өдрийн, 700 км-т уралдах тэмцээнийг дөрвөн насны ангилалд зохион байгууллаа. Тус тэмцээний эхний байршил тогтоох 11.2 км-ийн уралдаанд “Team Oggi” клубийн тамирчин, Азийн аварга, ОУХМ Б.Марал-Эрдэнэ түрүүлж, шар цамцны эзэн болсон юм. Тэрбээр эрэгтэйчүүдийн элит ангилалд мөн тэргүүлсэн бол эмэгтэйчүүдийнхэд Ж.Анужин (“Team Oggi”), залуучуудынхад А.Хүслэн (“Алдар” спорт хороо), Т.Хонгорзул (“Team Oggi”) нар аваргаар тодров.
2023-08-24
Манай тамирчид Астанагийн дэвжээнээс гурван медаль хүртлээ
Казахстан улсын Астана хотод эхэлсэн жиү жицүгийн өсвөр үе, залуучуудын ДАШТ-д Монголын 40 гаруй тамирчин зодоглож байна. Мөн олон улсын зэрэглэлтэй шүүгчдээс О.Болд-Эрдэнэ, Т.Мөнх нар барилдааныг дэнсэлж байгаа юм. Маргааш өндөрлөх тус тэмцээний 16 хүртэлх насны хөвгүүдийн ангилалд “Их шавь” дэвжээний бөх Б.Бат-Эрдэнэ 73 кг-ын жинд эхний тойрогт гоц мөргөн, дараагийнхад Румын, Казахстан, БНСУ-ын тамирчныг ялж, хагас шигшээд шалгарлаа.
2023-08-24
Х.Амарбаясгалан гогийн УАШТ-д түрүүлэв
Монголын гогийн холбоо өсвөр үеийн тоглогчдын ур чадварыг ахиулан, урам зориг өгөх, туршлага солилцох зорилгоор залуучуудын УАШТ-ийг жил бүр зохион байгуулдаг. “Заяа трэйвэл” ХХК-тай хамтран зохион байгуулсан энэ удаагийн тэмцээнд 26 хүртэлх насны 28 тамирчин оюунаа сорин өрсөлдлөө. Макмахон системээр таван өрөг тоглосон гогийн шилдгүүдээс Х.Амарбаясгалан түрүүлж, алтан медаль, аваргын цом гардсан юм. Түүний ард жагссан тоглогчдоос Б.Этүгэн II, Э.Гүен III байр эзэллээ.
2023-08-24
Манай тамирчид 32 медаль хүртээд байна
Эмэгтэйчүүдээс Э.Даваадулам 43 кг-ын жинд гурван тамирчинтай тойргоор барилдан хүрэл медалиас атгасан. Мөн Б.Чулуун-Эрдэнэ 49 кг-ын жинд шийдвэрлэх III тойргийн барилдаанд БНХАУ-ын тамирчин Юү Занд оноогоор хожигдсон ч хүрэл медалийн болзол хангаж, шагналтнуудын тоог нэгээр ахиулсан юм. Хоёр дахь өдрийн барилдаанд зодоглосон эмэгтэй бөхчүүдээс 46 кг-д Б.Хулан мөн хүрэл медальтай тэмцээнийг өндөрлүүлэв.
2023-08-23
Манай сагсан бөмбөгчид Зүүн Азийн аваргаар тодорлоо
Улаанбаатар хотод үргэлжилж буй Зүүн Азийн залуучуудын наадмын 3x3 сагсан бөмбөгийн тэмцээний хэсгийн сүүлийн тоглолтод оролцсон багуудаас Монголын эрэгтэйчүүдийн шигшээгийнхэн нэг ч ялагдалгүй финалд шалгарлаа. Тэд аваргын төлөө өмнөд хөршийн шигшээг 18:15-аар буулган авснаар Зүүн Азийн аваргаар тодров. Тэгвэл эмэгтэйчүүдийн шигшээ Хонконгийн багийг 12:10-аар хожиж, хүрэл медаль хүртсэн юм. Таеквондогийн тэмцээнд тулалдсан манай тамирчдаас дөрөв нь медалийн тавцанд зогсов.
2023-08-21
Г.Отгонжаргал Белградыг зорих нь
Тэгвэл Гавьяат тамирчин Б.Болортуяа, “Алдар” спорт хорооны тамирчин, ОУХМ Г.Отгонжаргал нарын сорилго барилдааныг “Говь ресорт” бэлтгэлийн баазад зохион байгуулжээ. Тэд гурван удаа барилдсан. Үүнээс Г.Отгонжаргал эхний тойрогт 8:5, дараагийнхад Гавьяат тамирчин Б.Болортуяа 3:1-ээр илүүрхлээ. Шийдвэрлэх тойргийн барилдаанд Б.Болортуяа эхний үед 3:0-ээр хожсон. Гэсэн ч хоёрдугаар үеийн 30 секундэд давхар хамж, дутуудан өндийхөд нь Г.Отгонжаргал мордох мэхээр цэвэр ялснаар Белградыг зорих эрх өвөртлөв.
2023-08-17
А.Билэгт хүрэл медаль хүртэж, түүхэн амжилт үзүүлэв
Ингэснээр Монгол Улс пентатлон буюу таван төрөлт (байт харваа, хөнгөн атлетик, бадминтон, дугуй унах, усанд сэлэх) спортоор олон улсын хэмжээний тэмцээнээс анх удаа медаль хүртэж, нэгэн шинэ түүхийг эхлүүлэв. Манай тамирчид буудлагаар Гавьяат дасгалжуулагч Л.Ундралбат, усанд сэлэлтээр дасгалжуулагч Х.Одгэрэл нарын удирдлагад бэлтгэл хийж, уг тэмцээнд оролцжээ.
2023-08-17
Монголын тамирчидАНУ, Сингапурт тулалдана
“MGL-1 FC” холбооны хошой аварга Х.Амартүвшин АНУ-ын Сан-Франциско хотын холимог тулааны “First round fight” холбооны 70 кг-ын жингийн аваргын бүсний төлөө тулалдана. Түүний өрсөлдөгч нь тус улсын Хавай арлын тулаанч Райан Дела Круз. Тэд “Cow palace” ордонд энэ сарын 19-нд тулалдахаар товложээ. Түүнчлэн энэ сарын 27-нд “MGL-1 FC” болон Японы “Gladiator” холбооны аварга Т.Нямжаргал Сингапурт “Road to UFC” тэмцээнд оролцох нь. Тэрбээр Тайландын тамирчин Петер Данесоетой тулааны дэвжээнд нударга зөрүүлэх юм байна.
2023-08-17
