ХААН Банк шинэ дижитал салбартаа харилцагчдадаа сургалт зохион байгууллаа
Цахим банкны үйлчилгээгээр тэргүүлэгч ХААН Банк нь Киоск машин, АТМ, таблет зэрэг тоног төхөөрөмжүүдийн тусламжтай банкны үйлчилгээг нэг дороос авах боломжтой Digi Go цахим салбарыг Улаанбаатар хотод 6 байршилд ийнхүү нээгээд буй юм. Эдгээр салбар нь харилцагчдын санхүүгийн үйлчилгээг хялбарчлахаас гадна орчин үеийн тоног хэрэгсэл бүхий ая тухтай уулзалтын өрөөнд бизнес уулзалтуудаа үнэ төлбөргүй хийх боломжийг олгодог билээ.
2024-06-06
Зээлийн мэдээллийн лавлагааг зургадугаар сарын 7-ноос эхлэн олгоно
2024 оны зургадугаар сарын 2-ны өдөрт багтаан анхаарал хандуулах, хэвийн бус, эргэлзээтэй болон муу зээлийн ангилалтай зээл, өр төлбөрөө бүрэн төлж дууссан зээлдэгч, төлбөр хариуцагчийн зээлийн мэдээллийг Монголбанкны зээлийн мэдээллийн санд тусгахгүй байх тохируулгыг хийхээр шийдвэрлэсэн.
2024-06-05
Монголбанк өнгөрсөн сард 1.8 тонн үнэт металл худалдан авчээ
Монголбанк энэ он гарснаас хойш 6.1 тонн үнэт металл худалдан аваад байна. Дархан-Уул аймаг дахь Монголбанкны хэлтэс 135.1, Баянхонгор аймаг дахь нь 386.0 кг үнэт металл тус тус худалдан авсан аж. Дээрх дүнгээс 1.8 тонн нь өнгөрсөн сард худалдан авсан үнэт металл юм байна. Энэ нь өмнөх буюу дөрөвдүгээр сарынхаасаа 0.9 тонноор нэмэгдсэн үзүүлэлт гэнэ. Харин 2023 оны мөн үеийнхээс 0.6 тонноор буурсан дүн болжээ. Төвбанкны үнэт металл худалдан авах ханшийг дэлхийн зах зээл дэх үнээр тогтоодог. Өнгөрсөн сард алт худалдаж авах дундаж үнэ 254 657 төгрөг байжээ.
2024-06-05
Бизнесийн “төв цэг” Дорнод, Хэнтий аймагт нээгдлээ
Энэ ч үүднээсээ үндэсний хэмжээний хамгийн том банкны хувьд орон нутгийн бизнес эрхлэгчдээ дэмжин санхүүгийн цогц үйлчилгээ, шилдэг бүтээгдэхүүнээр бизнест нь хөшүүрэг болж, үр шимтэй өсөлтийг хамтдаа бүтээх, чадавхжуулахаар “Бизнес төв”-үүдийг ийнхүү ээлж дараалан нээсээр байна.
2024-05-28
“ХААН Банкны ой”-д 40,000 мод ургаж байна
ХААН Банк нь 2007 оноос эхлэн “ХААН банкны ой” хөтөлбөрийг санаачлан Монгол орны өнцөг булан бүрд мод бут тарих ажлыг тууштай хэрэгжүүлж ирсэн билээ. 2021 оноос тодорхой газарт төвлөрөн ойжуулах ажлыг хийх зорилго тавьж, Улаанбаатар хотын Сэлбэ голын эх, Их баяны ам орчимд нөхөн сэргээлт нэн шаардлагатай 40 га газрыг ойжуулах ажлыг эхлүүлсэн юм. Уг газарт 108 мянга орчим мод тарихаар төлөвлөж, 2021-2023 онд 24 га газарт хүлэмжид бойжуулсан бортоготой нарс мод тарьсан юм.
2024-05-27
СЗХ: Зургадугаар сарын 2-ноос өмнө зээлийн мэдээллээ шинэчилбэл "Хар жагсаалт"-аас гаргана
Санхүүгийн үйлчилгээний тэгш, хүртээмжтэй байдлыг хадгалах, эдийн засгийн сэргэлтийг дэмжих зорилгоор Монголбанкны ерөнхийлөгчийн 2024 оны 04 дүгээр сарын 12-ны А-74 дүгээр тушаалаар мөн оны 04 дүгээр сарын 01-ний өдрийн байдлаарх бүх ангилагдсан, үлдэгдэлгүй зээлийг (үүнд санхүүгийн түрээс, зээлийн шугам болон гэрээгээр баталгаажсан бүх өр төлбөр хамаарна) хамруулж зээлийн мэдээллийн лавлагаанд тусгагдахгүй байх тохироог хийсэн.
2024-05-24
Инфляц 6.4 хувиар өсжээ
Хэрэглээний бараа, үйлчилгээний үнэ буюу инфляцын түвшин дөрөвдүгээр сард улсын хэмжээнд өмнөх жилийн мөн үеийнхээс 6.4, оны эцсийнхээс 3.3, өнгөрөгч сарынхаас 0.8 хувиар өссөн гэж Үндэсний статистикийн хорооноос мэдээлэв. Хангайн бүсэд хүнсний бүлгийн үнэ 12.3, барааных 8.4, баруун бүсэд үйлчилгээнийх 7.2 хувир өссөн нь хамгийн өндөр үзүүлэлт болжээ. Энэ хугацаанд хүнсний барааны бүлгийн үнэ улсын хэмжээнд 8.6, хүнсний бусынх 5.5, барааны бүлгийн үнэ 6.4, үйлчилгээнийх 6.6 хувиар өссөн байна.
2024-05-10
ББС-гийн зээл олгох үйл ажиллагаа эрхлэх тусгай зөвшөөрлийг хоёр компанид олгов
Хуралдаанаар нэг компанийн нийтэд санал болгон гаргаж буй үнэт цаасыг бүртгэхийн зэрэгцээ уул уурхайн бүтээгдэхүүний биржийн арилжааны зуучлагч /брокер/-ийн үйл ажиллагаа эрхлэх тусгай зөвшөөрлийг хоёр компанид, хоёр компанийн арилжаалагдаагүй баталгаат үнэт цаасыг төвлөрсөн хадгаламжийн бүртгэлээс хасахаар, нэг компанийн хаалттай хүрээнд нэмж гаргаж буй давуу эрхийн хувьцааг бүртгэхээр тус тус зөвшөөрлөө.
2024-04-29
Монголбанкны “хар жагсаалт”-аар иргэдээ тушихаа больё
Монгол Улсад орчин цагийн банкны салбар үүсэж хөгжсөний 100 жилийн ойн хүрээнд муу зээлчдэгчдийн датаг зээлийн мэдээллийн сангаас арилгаж, тохируулга хийх болсноо Төв банкнаас мэдэгдлээ. Хөгжингүй орнуудад тухайн иргэн, байгууллагын зээлийн мэдээллийн түүхэнд огт гар хүрдэггүй аж. Сайн, муу тал талын мэдээлэл нь архивлагдаж, тухайн хүнийг тодорхойлох түүх болж иржээ. Гэтэл манай улсад зээлээ тухай бүрт нь төлсөн сайн мэдээллийг бус зээл төлөөгүй, хугацаа алдсан мэдээллийг бүрдүүлж, улмаар үүнийгээ Монголбанкны зээлийн мэдээллийн санд хадгалдаг нь бүрэн бус, өрөөсгөл арга юм. Тиймээс энэ нь Манжийн үеийн “өрийн дэвтэр” шиг ял мэтээр олон нийтийн дунд тархжээ.
2024-04-29
Нью Йорк хотод “Монголын банкны форум” болж байна
Монголбанкны Ерөнхийлөгч Б.Лхагвасүрэн, СЗХ, Сангийн яамны удирдлагууд, Монголын банк, санхүүгийн салбарын төлөөллүүд АНУ-ын Нью-Йорк хотноо “Монголын хөрөнгө оруулалтын долоо хоног” нэгдсэн үйл ажиллагаанд оролцож байна. Үйл ажиллагааны хоёр дахь өдөр буюу дөрөвдүгээр сарын 23-нд Нью-Йорк хотноо “Монголын банкны форум” зохион байгуулагдаж, Монголбанкны Ерөнхийлөгч Б.Лхагвасүрэн, СЗХ-ны дарга Д.Баярсайхан тэргүүтэй төрийн байгууллагууд болон арилжааны банкнуудын төлөөлөл оролцож, илтгэл тавьж, панел хэлэлцүүлэг өрнүүллээ.
2024-04-25
Монголын банкууд Нью-Йоркийн хөрөнгийн биржид IPO гаргах боломжийг эрэлхийлж байна
Монголын хөрөнгө оруулалтын долоо хоног Нью-Йорк хотод дөрөвдүгээр сарын 22-нд эхэллээ. “Capital Markets Mongolia”-ын зохион байгуулж буй энэхүү арга хэмжээнд Монголын банк, санхүүгийн салбарынхан болон Монголыг сонирхож буй гадаадын хөрөнгө оруулагч, шинжээчид оролцож байна. Монголын хөрөнгө оруулалтын долоо хоногийн хүрээнд Монголоос очсон зочид төлөөлөгчид Нью-Йоркийн Хөрөнгийн биржээр зочилж, үйл ажиллагаатай нь танилцлаа.
2024-04-23
