Н.Сэлэнгэ “Дэлхийн цом”-оос алт, Ч.Мандахбаяр мөнгөн медаль хүртжээ

Олон улсын уулчдын холбооноос Швей­царын Саас-Фи хотод “Дэлхийн цом”-ын II цув­рал тэмцээнийг энэ сарын 23-25-нд зо­хион бай­гуулсан. Манай улсын багаас эмэг­тэй­чүү­дийн хурдны төрөлд “Сутайн бор” клубийн тамирчин, МУБИС-ийн Биеийн тамирын сур­гуулийн спорт, аялал жуулчлалын ангийн оюутан, ОУХМ Н.Сэлэнгэ аварга боллоо. Мон­го­лын мөсөнд авиралтын спортын түүхэнд нэ­гэн шинэ хуудас нээж, “Дэлхийн цом”-оос анх удаа алтан медаль хүртсэн тэрбээр өм­нө нь БНСУ-д энэ сарын эхээр болсон эхний цувралаас мөнгө, Азийн АШТ-ээс алт, өнгөрсөн жил Канадын Эд­мон­тон хотод зохион бай­гуулсан ДАШТ-ээс хүрэл медальтай ирж байв. Эрэг­тэйчүүдээс хурдны төрөлд “Дэлхийн цом”-ын аварга, “UB hiking” клубийн тамир­чин, ОУХМ Ч.Мандахбаяр мөнгөн медаль гар­дав. Түүний хувьд БНСУ-д “Дэлхийн цом”-оос алт, мөнгө, хүрэл медаль хүртсэн ам­жил­таараа 2024 онд чансаагаараа тэр­гүүлсэн билээ. Тэгвэл Н.Хэрлэн VII, спортын мастер О.Сай­ханжаргал 27 дугаар байр эзэлсэн бай­на. Манайхан Францын Шампэйн-эн-Вануаз хо­тод энэ сарын 31-нээс ирэх сарын 2 хүртэл үргэлж­лэх гурав дахь цувралд өрсөлдөх юм.