Эдийн засаг 27 компани ногдол ашиг хуваарилахаа мэдэгдлээ

Хувьцаат компаниуд жилийн санхүүгийн тай­лангаа дараа оны хоёрдугаар сарын 10-ны до­тор гаргаж, аудитын байгууллагаар аудит хийл­гэсний дараа дүгнэлтийн хамт зохих хороо, үнэт цаасны арилжаа эрхлэх байгууллагад хүр­гүүл­дэг хуультай. Үүний дагуу Монголын хөрөн­гийн биржид бүртгэлтэй компаниуд 2024 оны үйл ажиллагааны тайлангаа олон нийтэд  та­нил­цуулж, ногдол ашиг хуваарилахаа зар­ласаар байна. Одоогоор 27 компани тайлангаа танилцуулж, өнгөрсөн оны цэвэр ашгаас ногдол ашиг хуваарилахаа мэдэгдээд буй юм. Нийтэд ил болгосон мэдээллээр “Лэнд МН” ХК 11, “Инвескор ББСБ” 4.5, “Тэнгэр даатгал” дөрөв, “Гутал” 3.8, “Газар шим” 3.1, “Эм жи эл акуа” 2.3 тэрбум төгрөгийн ногдол ашиг хуваа­рилах шийдвэр гаргасан нь хамгийн өндөр үзүү­лэлт болж байна. Компаниуд ногдол ашиг та­раахаа мэдэгдсэнээр хувьцааных нь ханш өсөж, бир­жийн арилжаа сүүлийн өдрүүдэд идэвх­эж­жээ.

Н.Мишээл