Зэвсэгт хүчний 016 дугаар нэгтгэлийн эмэгтэйчүүдийн зөвлөлөөс удахгүй халагдах дайчдадаа зориулж “Халагдах цэргийн вальс” цэнгүүнийг зохион байгууллаа.
Цэнгүүний үеэр ротын захирагчийн зэвсэглэл техник хариуцсан орлогч дэслэгч С.Амарсанаа дайчдадаа сэтгэлийн үгээ уламжилж, эх орондоо үүрдийн данстай гэдгээ ухамсарлаж, цэргийн албыг сурталчилж, нийгэмд манлайлагч залуучууд яваарай гээд "Buddy" дуугаар бэлэг барилаа.
Энэ үеэр хөгжөөнт тоглоом явуулахад мотобуудлагын батальоны гуравдугаар ротын байлдагч Б.Батням түрүүлж, шилдэг бүжигчнээр байлдагч Б.Өлзийдүүрэн, Ц.Батжавхлан нар үзэгчдийн саналаар илт давуу шалгарлаа. Нэгтгэлийн дайчид нэгэн өдөр цэргийн дарга нарынхаа чин сэтгэлийн үгийг сонсож, инээд хөөрөөр цалгиж, дурсамж дүүрэн өнгөрүүлсэн юм.
