Өнөөдөр гадаа -16 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 352 дахь өдөр бөгөөд он дуусахад 13 хоног үлдлээ.
- Цаг агаар өдөртөө -16 хүйтэн бол шөнөдөө -26 градус хүйтэн байх нь ээ.
- Аргын тооллын 12 сарын 19, Бархасвадь гараг. Билгийн тооллын 23, Харцага одтой, цагаан бар өдөр. Өдрийн наран 8 цаг 37 минутад мандан, 17 цаг 02 минутад жаргана. Тухайн өдөр морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнес эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, сан тавиулах, угаал үйлдэх, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
- Манай улсын голлох валют болох ам.долларын ханш 2735.00 төгрөгтэй тэнцэж байгаа бол бусад валют болох рубль 44.00 төгрөг, юань 390.50 төгрөг, вон 2.30 төгрөг байна.
Өнөөдөр болох онцлох үйл явдлууд:
- 09.00 цагт “Корпорейт” зочид буудалд Тээврийн цагдаагийн алба, Тээврийн прокурорын газрын удирдлагууд орон нутгийн хот хоорондын зорчигч тээврийн аюлгүй байдлыг хангах, зам тээврийн ослоос сэргийлэх талаар холбогдох аж ахуй нэгж, байгууллагуудын захирал удирдлагуудтай уулзана. Утас 99193734
- 09.30 цагт ШУА-ийн тэргүүлэгчдийн байранд тус академийн ээлжит Их чуулган эхэлнэ.
- 10.00 цагт Улсын ерөнхий прокурорын газрын гадна иргэний нийгмийн байгууллагууд С.Зоригийг хөнөөсөн хэргээр ял эдэлж буй Т.Чимгээ, Б.Содномдаржаа нарыг суллах талаар хүргүүлсэн шаардлагынхаа хариуг авна.
- 11.00 цагт ГХЯ-нд Монгол Улс, БНХАУ дипломат харилцаа тогтоосны 70 жилийн ойн хаалтын ёслол болно.
- 11.00 цагт Хэвлэлийн хүрээлэнд “Сонсголын бэрхшээлтэй сонгогч иргэн” төслөөс сонсголын бэрхшээлтэй иргэдийн сонгох эрхийг хангах талаар мэдээлнэ.
- 11.30 цагт “Үндэсний мэдээллийн төв”-д улс төрийн намуудын удирдлагууд цаг үеийн асуудлаар мэдээлнэ.
- 12.00 цагт МХЕГ-т мэргэжлийн хяналтын байгууллагаас Шинэ жилийн баярыг угтан зохион байгуулж буй хяналт шалгалт болон амьтан, ургамлын гаралтай түүхий эд, бүтээгдэхүүнд экспортын гэрчилгээний талаар мэдээлнэ. Утас: 91989890, 99094993
- 15.00 цагт Үндэсний номын санд “Нэг бүс, Нэг зам: Хятадын сэргэн мандал, тэнгэрийн доорх үүрэг хариуцлага” номын нээлт болно.
- 15.00 цагт ХСҮТ-д байгуулсан Сэтгэл зүйн төв буюу “Ногоон гэр” төслийн нээлт болно. Утас: 89033282
Энэ өдөр дэлхийн түүүхэнд:
- Өнөөдөр Энэтхэгийн зүүн хэсэгт орших Goa мужид Эрх чөлөөний өдөр тохиож байна.
- 1989 оны энэ өдөр Beast хамтлагийн Joker буюу Yong Jun-hyung мэндэлжээ.
- 1986 оны энэ өдөр Английн алдарт хөлбөмбөгийн тамирчин Calvin Andrew мэндэлжээ.
- 2013 онд Европын сансрын агентлаг "Gaia" хэмээх сансрын хөлгөө хөөргөжээ.
- 2012 онд БНСУ-ын ерөнхийлөгч Пак Гын Хэ тус улсын анхны эмэгтэй ерөнхийлөгчөөр сонгогдож байжээ.
