“Алдар” спорт хорооны тамирчин, ОУХМ С.Жамбалжамц Турк улсад зохион байгуулсан цуврал гран при тэмцээнд уралдаж, хүрэл медаль хүртсэн байна. Тэрбээр Малайзын мэргэжлийн дугуйн “Terengganu” багийнхантай хурд сорьдог билээ. Түүнчлэн уг тэмцээнд оролцсон манай тамирчдаас “Ferei-Mongolia” багийн Б.Мягмарсүрэн VII байр эзэлжээ. Дугуйн спорттой холбоотой өөр нэгэн мэдээ дуулгахад, Азийн аварга шалгаруулах тэмцээн энэ сарын 26-нд Тажикистан улсад эхлэх аж. Манай дугуйчид тус тэмцээнд оролцохоор Душанбе хотыг зорьсон байна.
Бэлтгэсэн Г.Цэцэг
