Аялал жуулчлалын шилдэг маршрутаар Баянзагийг шалгаруулав

Өмнөговь аймгийн Булган сумын нутаг дахь Баянзагийн хөндийг жуулчдын таа­лалд хам­гийн их нийцсэн, аяллын шилдэг марш­ру­таар тод­руул­­­жээ. Аялал жуулчлалын сал­ба­рын шилд­гүү­дийг шалгаруулах “Go Mongolia tourism awards-2024” ёслолын арга хэмжээний үеэр Ая­­­лал жуулчлалын мэргэжлийн холбоо тус газ­рыг ийн үнэлсэн байна. 
Дэлхийн түүх, соёл, шинжлэх ухааны өлгий, Ази, Европыг холбосон цайны замын уулзвар гэгддэг Баянзаг хэмээх газрыг Өмнөговь аймаг орон нутгийн тусгай хамгаалалтдаа авч, соёлын өвийн менежментийн дагуу 2020 онд тохи­жуул­сан юм. Тухайн бүсийн хамгаалал, аялал жуулч­лалын үйлчилгээ, мэдээллийн тө­вийн үйл ажиллагаа, менежментийг Булган сумын ир­гэдийн “Баянзаг-Улалзах цонж” ТББ-д таван жи­лийн хугацаатай хариуцуулаад буй. Хамгийн сүүлд “Нутгийн хишиг” хөтөлбөрийн хүрээнд Баянзаг орчмыг эрчим хүчний сүлжээнд хол­бох, цайны зам дагуух “Тэмээн жингийн цуваа ” цог­цолбор байгуулах ажлыг хийсэн. Тэгвэл энэ онд тус газарт 73 орны 34 мянга гаруй жуулчин зочилж, цайны зам, үлэг гүрвэлийн ул мөрөөр аялжээ. Энэ нь говийн бүсийн онц­лох, гол маршрутад тооцогдож байгааг Аялал жуулч­­лалын мэргэжлийн холбооноос онцлов. Ташрамд дурдахад, Өмнөговь аймаг “Нутгийн хи­шиг” хөтөлбөрийн хүрээнд Баяндалай, Сэв­рэй сумын нутаг дахь Хонгорын гол, Ханбогд дахь Дэм­чогийн хийдийг аялал жуулчлалын төв болгож хөгжүүлэхээр  тохижилт, дэд бүт­цийн ажлуудыг хийж буй гэнэ.