Францын “L’Equipe” сэтгүүл Европын топ таван лигт хамгийн өндөр цалин авдаг тоглогч, дасгалжуулагчдын жил тутмын тайланг гаргажээ. Гэхдээ тус тайланд төрөл бүрийн бонус, тоглогчдын үзүүлэлт, торгууль, татвар гээд олон хүчин зүйлийг тооцоогүй, татварын өмнөх дүнг багтаасан гэдгийг анхаарна уу.
ХАМГИЙН ӨНДӨР ХӨЛСТАЙ ДАСГАЛЖУУЛАГЧ
Нэр Баг Сарын цалин (сая евро)
Д.Симеоне “Атлетико Мадрид” 3.3
Х.Гвардьола “Манчестер сити” 1.89
Ю.Клопп “Ливерпуль” 1.49
А.Конте “Тоттенхэм” 1.49
М.Аллегри “Ювентус” 1.17
Д.Симеоне эл жагсаалтыг 2019 оноос хойш тэргүүлж буй бөгөөд өнгөрсөн жилийнхтэй харьцуулахад цалин нь 300 мянгаар буурчээ. Хамгийн сонирхолтой нь тэрбээр Испанийн лигийн бүх хөлбөмбөгчийнхөөс өндөр цалинтай юм. Харин топ таван лигт түүнээс их цалинг Неймар, Л.Месси авдаг. Испани дасгалжуулагчийн ард Английн Премьер лигийн гурван топ дасгалжуулагч оржээ. Тэд эл цалингаараа хөлбөмбөгчидтэй бүрэн өрсөлдөх боломжтой. Ташрамд дурдахад, А.Конте өнгөрсөн жил Италийн лигийн хамгийн өндөр цалинтай дасгалжуулагч байсан
ХАМГИЙН ӨНДӨР ЦАЛИНТАЙ ТОГЛОГЧ
Нэр Баг Сарын цалин (сая евро)
Неймар ПСЖ 4.083
Л.Месси ПСЖ 3.375
К.Роналду “Манчестер юнайтед” 2.6
Ж.Пике “Барселона” 2.3
К.Мбаппе ПСЖ 2.2
Чансааг тэргүүлэгч Неймар гэрээгээ шинэчилж, цалингаа ч нэмүүлсэн. Өнгөрсөн жил тэрбээр 3.06 саяыг авч байсан билээ. Английн Премьер лигт хамгийн өндөр цалинтай эхний таван тоглогчийн дөрөв нь “Манчестер юнайтед”-ынх бол нэг нь (К.де Бройн) “Сити”-гийнх аж. Харин Бундеслигийн эхний долоод дан “Байерн”-ы тоглогч багтжээ. Өнгөрсөн жил эл чансааг 10.5 сая еврогийн цалингаар тэргүүлсэн Л.Месси энэ онд Францад ирсэн. Ингэснээр цалин нь бараг гурав дахин багассан аж.
Бэлтгэсэн Э.Манлайбаатар
