Шатрын насанд хүрэгчдийн улсын аварга шалгаруулах тэмцээн эрэгтэйчүүдийн төрөлд 60, эмэгтэйчүүдийнхэд 52 дахь удаагаа болж байна. Тус тэмцээний хагас шигшээ тоглолтууд болж өнгөрсөн бөгөөд 136 шатарчин оюун ухаанаа сорив. Тоглолтын ангилал тус бүрээс эхний таван байрт орсон шилдэг 22 тамирчин одоогоор шалгараад байна. Тэд Хэнтий аймагт тавдугаар сарын 12-22-нд зохион байгуулах шигшээ тоглолтод медалийн төлөө өрсөлдөх эрх авсан юм. Шатрын спорттой холбоотой өөр нэгэн мэдээ дуулгахад, Ерөнхий сайдын захирамжаар Үндэсний шигшээ багийг бүрдүүлэх спортын төрлийг сонгон шалгаруулах ажлын хэсгийг өмнө нь байгуулсан. Уг ажлын хэсгийн дүгнэлтийг үндэслэн улсын төсвөөс санхүүгийн дэмжлэг үзүүлэх 24 спортын төрлийн нэгээр шатрын шигшээ баг сонгогдсон байна
Бэлтгэсэн Г.Бат
