Б.Даариймаа, С.Тэлмэн нар олон улсын тэмцээн дэнслэхээр боллоо
Дэлхийн нэр хүндтэй томоохон тэмцээний нэг болох “Арнольд классик” хүч, тулааны фестивальд олон орон амжилт гаргасан тамирчдаа илгээн, авьяас, ур чадвараар нь өрсөлдүүлдэг. Монголын модон барилдааны холбооны олон улсын шүүгч Б.Даариймаа Бразил улсын Санпаула хотод ирэх сарын 4-8-нд зохион байгуулах дээрх фестивалийн тэмцээнийг шүүхээр болжээ. Тэрбээр тив, дэлхийн болон олон улсын тэмцээнийг нэг бус удаа дэнсэлсэн туршлагаараа шилдэг шүүгчдийн бүрэлдэхүүнд багтсан байна.
2024-03-28
“Арж”, “Алдар”-ын бөхчүүд УАШТ-д түрүүлэв
Чөлөөт бөхийн 17 хүртэлх насныхны УАШТ Орхон аймагт боллоо. Нийслэлийн долоон дүүрэг, 16 аймгийн 500 гаруй тамирчин 10 жинд тив, ДАШТ-д зодоглох эрхийн төлөө хүч сорив. Дээрх тэмцээнд өрсөлдсөн эмэгтэйчүүдийн багаас С.Баттөмөр дасгалжуулагчтай Төв аймгийн “Арж” клубийнхэн 117 оноогоор тэргүүлж, алтан цом гардав.
2024-03-27
Хөл бөмбөг сонирхогчдын тэмцээн зохион байгуулах нь
Монголд үйл ажиллагаа эрхэлж буй байгууллага, аж ахуйн нэгж, бизнес эрхлэгчдийн дунд хамт олны эерэг хандлага бүрдүүлэх, хөдөлгөөний дутагдлаас сэргийлж, эрүүл, идэвхтэй, эрч хүчтэй амьдруулах зорилгоор сонирхогчдын “Bud сup-2024” хөл бөмбөгийн тэмцээн зохион байгуулах нь. Баянзүрх дүүргийн 15 дугаар хорооны хөл бөмбөгийн талбайд долоо хоног бүрийн амралтын өдөр болох тус тэмцээнд мэргэжлийн лигийн тамирчдаас бусад хүн оролцох юм
2024-03-27
А.ЭРМҮҮН: Усанд сэлэх нь бясалгал хийхтэй адил санагддаг
Баянгол дүүргийн Усан спорт сургалтын төвийн тамирчин, СЭЗИС-ийн Эдийн засгийн тэнхимийн II курсийн оюутан А.Эрмүүн мөстэй болон өвлийн усанд сэлэлтээр хичээллэдэг. Таван жилийн өмнө тамирчны замналаа эхлүүлсэн тэрбээр Эстонийн Таллин хотод энэ сарын 4-9-нд зохион байгуулсан өвлийн усанд сэлэлтийн ДАШТ-д дасгалжуулагч Ш.Даваадоржийн удирдлагад оролцож, 40 орны 1500 гаруй шилдэг сэлэгчтэй улсаа төдийгүй тивээ төлөөлөн өрсөлдсөн. Тэрбээр тус тэмцээний далайн гахай сэлэлтийн 25 метрийн зайд түрүүлж, дэлхийн аварга болсон юм. Мөн өврөөр даллах сэлэлтийн төрлийн 25 метрт мөнгө, 50 метрт хүрэл медаль хүртсэн билээ. Түүний гардсан шагналууд энэ спортоор сонирхож хичээллэдэг хүүхэд, залууст урам өгч, амжилтын жим гаргасан юм
2024-03-26
А.Энхтуул дэд байрт жагсаж байна
Энэтхэгийн шатрын холбооноос Ченнай хотод зохион байгуулсан, эмэгтэй их мастеруудын тойргийн тэмцээнд манай улсаас А.Энхтуул, Ү.Үүрийнтуяа нар оролцож буй юм. Тус тэмцээний долоодугаар тойргийн тоглолтод тэд учраа таарахад А.Энхтуул хожлийн тоогоо ахиулж, тэмцээнээ үргэлжлүүлэв. Наймдугаар өрөгт тэрбээр өрсөлдөгчөө хожиж, 5.5 оноотой дэд байрт бичигдсэн
2024-03-26
Н.АЛТАНШАГАЙ: Арми, спорт хоёр намайг жинхэнэ утгаар нь хүмүүжүүлсэн
Дэлхийн триатлоны холбооноос өвлийн триатлоны чансааг шинэчлэн зарлахад Монголоос 11 тамирчин багтсан. Тэднээс зэвсэгт хүчний 011 дүгээр ангийн ахлах ахлагч, “Роүд Монголиа” клубийн тамирчин, спортын мастер Н.Алтаншагай өмнөд хөршийн Харбин хотод болсон “Дэлхийн цом”-ын тэмцээнд V байрт шалгарсан юм. Мөн Монголд зохион байгуулсан өвлийн триатлоны улсын аварга шалгаруулах анхдугаар тэмцээнээс хүрэл медаль хүртэн, нийт 305.19 оноогоор дээрх чансааны шилдэг 10-т жагссан билээ. Тус тэмцээний дараахан МҮОХ-ны тэргүүн дэд ерөнхийлөгч Ч.Наранбаатар, ерөнхий нарийн бичгийн дарга Э.Бадар-Ууган нар триатлоны тамирчин Н.Алтаншагай, Л.Баярцэнгэл, дасгалжуулагч Ц.Баярхүү нарыг хүлээн авч уулзан МҮОХ-ны алтан медалиар шагнажээ.
2024-03-22
С.Ган-Эрдэнэ, Б.Мөнгөнзул нар чансаа өндөр шатарчдын тэмцээнд түрүүллээ
Монголын шатрын “Стейниц” академиас чансаа өндөр тамирчдын “Chess masters” тэмцээнийг анх удаа зохион байгууллаа. Дөрөв хоног үргэлжилсэн тус тэмцээнд 58 шилдэг тамирчин оюунаа сорив. Тэднээс эрэгтэйчүүдийн ангилалд “Гэгээн арвай” клубийн тамирчин, олон улсын мастер С.Ган-Эрдэнэ түрүүлж, аваргын цом гардсан. Тив, дэлхийн тэмцээнд өрсөлддөг аваргуудаас“ABChess” академийн тоглогч, Дэлхийн шатрын холбооны дэд мастер Х.Өлзийхишиг удаалж мөнгө, “Мон полимет” компанийн тоглогч, шатар сонирхогчдын дэлхийн аварга Н.Содбилэгт хүрэл медаль хүртсэн юм
2024-03-22
“Төмөрт өргөө” багийнхан аваргаар тодорлоо
Монголын ширээний теннисний холбооноос жил бүр зохион байгуулдаг лигийн аварга шалгаруулах тэмцээний шигшээд тунасан багуудын тоглолт ширүүхэн өрнөсөн нь үзэгчдийн сонирхлыг ихэд татав. “Жем”-ийнхэн “Төмөрт өргөө” багийнхныг 5:3-аар илүүрхэн хожлоор эхлүүлсэн. Харин хоёр дахь тоглолтод “Төмөрт өргөө”-гийнхнөөс Т.Чинзориг санаачилгыг гартаа авч, онооны харьцааг 5:4 болгон тэнцүүлэв. Ингээд хайна хагалах тоглолт хийж, аварга багийг шалгаруулахаар болсон юм. Алтан цом өргөх, эсэхийг шийдвэрлэх гурав дахь тоглолт халуухан эхэлж “Төмөрт өргөө” багийнхан “Жем”-ийнхнийг 5:3-аар хожин, лигийн аваргаар тодров
2024-03-21
Э.НОМУНЗАЯА: Багшийнхаа хэлсэн үгийг нүүдэл хийх бүрдээ бодсон
“Олонлог” сургуулийн 5е ангийн сурагч, “Хөлөгт тоглоом” клубийн тамирчин, спортын дэд мастер Э.Номунзаяа даамаар хичээллэдэг өсвөр үеийн тоглогчдоос амжилт гаргаж байгаа шилдгүүдийн нэг. Тэрбээр гадаад, дотоодын тэмцээнээс шагнал нэг бус удаа гардсан. Тухайлбал, Узбекистан улсад болсон “Ташкент-2019” Ази тивийн аварга шалгаруулах тэмцээнд манай улсаас 46 тамирчин оролцсоноос тэрбээр гурван медалийн эзэн болсон юм. Мөн тус хотод 2022 онд зохион байгуулсан 64 буудалт орос даамын Азийн АШТ-д 10 орны 221 тамирчин өрсөлдөхөд охидын 8-10 насныхны ангилалд мөнгөн медаль зүүжээ
2024-03-21
“Болор шигтгээ” хамтлагийнхан хос алтан цомын эзэн болов
Монголын хөгжөөн дэмжигчдийн холбооноос зохион байгуулсан, аймаг бүс, Улаанбаатар хотын зургаан дүүргийн аварга шалгаруулах бүжгийн тэмцээнд 95 багийн сурагчид дасгалжуулагч багшийн хамт оролцлоо. Авьяас, ур чадвараа сорьсон багуудаас Д.Бат-Эрдэнэ багштай Сүхбаатар дүүргийн “Болор шигтгээ” хамтлагийнхан 14 хүртэлх насныхны хип хоп, пом төрөлд хос алтан цомын эзэн болов. Тус хамтлагийн С.Мөнгөнбагана, Г.Жамъянпүрэв нар 18 хүртэлх насныхны залуучуудын ангилалд оролцож түрүүлжээ
2024-03-20
Монголын шатарчид олон улсын тэмцээнд түрүүлж, удааллаа
ОХУ-ын Буриад улсын Улаан-Үд хотод зохион байгуулсан шатрын түргэн тоглолтын олон улсын “Сагаалха-2024” тэмцээнд 650 тамирчин өрсөлдсөн. Тэднээс 12 нь их мастер цолтон байв. Монголын үндэсний шигшээ багийнхнаас эмэгтэйчүүдийн ангилалд Гавьяат тамирчин, их мастер Б.Мөнгөнтуул түрүүлж, хошой аварга боллоо. Түүнтэй хамт дээрх тэмцээнд оролцсон их мастер Т.Мөнхзул удаалж, Э.Хулан IV байр эзлэв. Б.Мөнгөнтуул эл тэмцээнээс 2017 онд алт, 2019 онд мөнгөн медаль хүртэж байсан юм
2024-03-20
Д.СЭЛЭНГЭЭ: Ямар ч саад бэрхшээл надад халшрах шалтгаан болдоггүй
Монголын пара байт харвааны үндэсний шигшээ багийн тамирчин, ДАШТ-ий эмэгтэйчүүдийн багийн хүрэл, Азийн АШТ-ий хүрэл медальт Д.Сэлэнгээ дасгалжуулагч Б.Золбоогийн удирдлагад бэлтгэл базаадаг. Тэрбээр энэ спортод хөл тавьсан цагаасаа зорилгынхоо төлөө тууштай зүтгэжээ. Олон улсын болон паралимп, тив, дэлхийн тэмцээнд цэц сорьдог түүнийг амжилтаас атгахад цөөнгүй хүний дэм, тус их нөлөөлсөн гэдэг. Д.Сэлэнгэ Тайландын Бангкок хотод өнгөрсөн жил зохион байгуулсан пара байт харвааны Ази тивийн АШТ-ээс хүрэл медальтай ирсэн юм. Мөн АНЭУ-ын Дубай хотод энэ сарын эхээр болсон тэмцээнд түрүүлж, “Парис-2024” паралимпийн наадамд оролцох эрх гардсан билээ.
2024-03-19
“Хасын хүлгүүд” багийнхан найм дахь удаагаа аваргын цом өргөлөө
Монголын сагсан бөмбөгийн холбооноос зохион байгуулсан үндэсний дээд лигийн 2023-2024 оны финалын тоглолт өндөрлөлөө. “Хасын хүлгүүд” багийнхан “Бишрэлт металл”-ын тоглогчдыг цувралын тав дахь тоглолтод хөгжөөн дэмжигчдийнх нь өмнө 81:67-гоор буулган авав. Ингэснээр тэд найм дахь удаагаа аваргын цом өргөж, 500 сая төгрөг гардав. Улирлын тоглолтыг амжилт тааруухан эхлүүлсэн тэд плей-оффт цойлж, “Гарьдууд”-ын тамирчдыг 4:3, “Уурхайчид”-ыг 4:1, финалын шатанд хүчтэй өрсөлдөгч “Бишрэлт металл”-ынхныг 4:1-ээр хожсон юм. Дээд лигт аваргын төлөө өрсөлдсөн “Бишрэлт металл”-ынхан дэд байр эзэлж, мөнгөн медаль, 250 сая төгрөгтэй харьсан
2024-03-19
Б.Мөнхзаяа Парисын олимпод хурд сорих нь
БНСУ-ын Сөүл хотод энэ сарын 17-нд болсон олон улсын марафонд оролцсон Монголын үндэсний шигшээ багийнхнаас зэвсэгт хүчний 327 дугаар анги, “Алдар” спорт хорооны тамирчин Б.Мөнхзаяа оролцлоо. Тэрбээр хоёр цаг 24 минут 45 секундийн амжилтаар “Парис-2024” зуны олимпын наадамд оролцох болзол хангасан байна. Б.Мөнхзаяа тус марафон гүйлтийн эмэгтэйчүүдийн 42 км-ийн зайд хурд сорин, VII байрт шалгарч, улсынхаа дээд амжилтыг шинэчилжээ
2024-03-19
Ш.Гомбодорж “Чингис мастер кросс-2024” уралдаанд түрүүлэв
Монголын авто мастеруудын холбооноос Дархан-Уул аймагт жил бүр зохион байгуулдаг “Чингис мастер кросс” нь авто спортын тэмцээнүүдээс үзэгчдийн сонирхлыг хамгийн их татдаг. Тамирчид бартаа, саад ихтэй замд ур чадвараа техникийн хурд, хүчтэй хослуулан харуулдаг онцлогтой. Уг кросс уралдаанд ахмад тамирчид ч тоос өргөдөг. Амралтын өдөр болсон 24 дэх удаагийн уралдаанд ахмадуудаас 78 дугаартай С.Эрдэнэчулуун, 222 дугаартай Ж.Эрдэнэбилэг, 288 дугаартай Ж.Пүрэвсүрэн нар оролцжээ. Хувийн дугаар эзэмшдэггүй ахмад тамирчид уралдаанд хоёроор эхэлсэн түр дугаар зүүж уралдсан байна
2024-03-18
Д.Отгонжаргал, Э.Дэлгэрмаа, Э.Даваанасан нар чансаагаараа дэлхийд дэд байрт жагслаа
Дэлхийн бөхийн нэгдсэн холбооноос чөлөөт бөхийн тамирчдын дэлхийн чансааг шинэчлэн танилцууллаа. Монголын үндэсний шигшээ багийн эмэгтэйчүүдээс 50 кг-ын жинд Гавьяат тамирчин Д.Отгонжаргал 47 200 оноогоор II байрт эрэмбэлэгдэв. Түүний өмнө Токиогийн олимпын аварга, Японы алдарт бөх Юи Сүсаки жагсан, чансааг тэргүүлж байна. Манай бөх “Белград-2022”, “Белград-2023” ДАШТ-д түүнтэй аваргын төлөө зодоглож, ялагдсанаар хошой мөнгөн медаль хүртэж байв. Тэгвэл 68 кг-д Э.Дэлгэрмаа 46 000 оноотой мөн дэд байрт жагссан
2024-03-18
Премьер лигт 13 улсын 52 легионер тоглож байна
Монголын хөл бөмбөгийн үндэсний дээд лигт сүүлийн 10 гаруй жил легионерууд оролцох болсон. Өмнөх улирлынлигт өрсөлдсөн 10 баг Япон, ОХУ, Итали, Канад, Англи, Тринидад ба Тобаго, Нигери, Серби зэрэг улсаас нийт 22 гадаад тоглогч урьсан юм. Тэгвэл одоо Төв аймаг дахь “Аэрдом” бэлтгэлийн төвд үргэлжилж буй премьер лигт манай хөл бөмбөгийн спортын түүхэнд хамгийн олон буюу 13 улсын 52 легионер оролцож, авьяас, ур чадвар, туршлага, тоглох техникээрээ тэмцээний уур амьсгалыг өрсөлдөөнтэй, улам сонирхолтой болгон хөгжөөн дэмжигчдийг цэнхэр дэлгэцийн өмнө уяж буйгаараа онцлогтой. “Хоромхон”, “Булган СП фалконс” баг хамгийн олон буюу долоон легионертой. “Улаанбаатар”, “Хангарьд” баг тус бүр зургаа, “Төв азарганууд”, “Баварианс”, “Брера илч”, “Хаан хүнс-Эрчим” баг гадаадын таван тамирчин оролцуулж байна.
2024-03-15
“Булган СП фалконс” клубийнхэн лигийн тоглолтыг өнгөлж эхэллээ
Монголын хөл бөмбөгийн холбооноос зохион байгуулж буй премьер лигийн тойргийн тоглолтууд тун сонирхолтой өрнөж байна. XI тойргийн ширүүхэн өрсөлдөөнөөс “Булган СП фалконс” ээлжит ялалтаа авав. Тэгвэл “Дэрэн”, “Хоромхон”, “Төв азарганууд”, “Хаан хүнс-эрчим”-ийнхэн оноо хувааснаар арын багуудаас есөн онооны зөрүүтэй боллоо. “Хангарьд” клубийнхэн өвлийн завсарлагаас хойш хоёр дараалан ялалт байгуулж, өрсөлдөөнд хүчтэй орж ирсэн бол “Брера илч”-ийнхэн улирлын хоёр дахь ялалтаа байгуулж, унах бүсээс холдоход алхам ойртов
2024-03-14
С.Жамбалжамц V байрт бичигдэж байна
Монголын дугуйн шигшээ багийнхнаас ОУХМ С.Жамбалжамц Испани улсын дугуйн мэргэжлийн багт хурд сорьж буй. Манай дугуйчин “Парис-2024” олимпын наадамд өрсөлдөх эрх авснаар “Burgos BH” багтай гэрээ байгуулж, өнгөрсөн нэгдүгээр сард дебют уралдаан хийсэн юм. Европын мэргэжлийн дугуйчид Азиас Монголын тамирчныг багтаа уралдуулахаар шийдвэр гаргасан нь өмнө нь байгаагүй ховор тохиол байв.
2024-03-13
А.ЭНХТУЛГА: Тамирчны карьераа эрт өндөрлүүлсэн гэж боддоггүй
ОУХМ А.Энхтулга спортын гимнастикийн дасгалжуулагчаар ажиллаад хоёр жил болж буй. Тэрбээр шавь нараа бэлтгэл хийлгэхийн зэрэгцээ өөрөө ч тэмцээнд өрсөлддөг. Түүнд олон улсын болон Азийн АШТ, Азийн наадам, ДАШТ гээд оролцоогүй тэмцээн ховор. Тухайлбал, ОХУ-ын Благовещенск хотод 2017 онд зохион байгуулсан спортын гимнастикийн олон улсын тэмцээнд насанд хүрэгчдийн ангилалд түрүүлж байв. Тэгвэл ХБНГУ-ын Штутгарт хотод 2019 онд зохион байгуулсан насанд хүрэгчдийн 49 дэх удаагийн ДАШТ-д ганцаарчилсан төрөлд ур чадвараа сорьжээ. Насанд хүрэгчдийн УАШТ болон Улаанбаатар хотын аварга шалгаруулах тэмцээнээс жил бүр медаль хүртдэг тэрбээр ОХУ-ын Москва дахь “Динамо” клубт Монголын гимнастикийн холбооны спортын гимнастикийн эрэгтэйчүүдийн багийг хамтарсан бэлтгэл хийлгэж, “Воронин цом-2022” олон улсын тэмцээнд амжилттай сойсон юм. Мөн өнгөрсөн жил Азербайжаны Баку хотыг зорьж, насанд хүрэгчид болон өсвөр үеийн тамирчдыг бэлтгэл хийлгэсэн билээ
2024-03-12
