Өчигдрөөс илүү маргаашийг
бүтээхийн төлөө

Г.Батцэцэг

Б.Отгон-Өлзий тивийн АШТ-ээс мөнгөн медаль хүртэв

Тэднээс эрэгтэйчүүдийн ангилалд “Хан Монгол” холбооны тамирчин Б.Отгон-Өлзий зоос харвах төрөлд мөнгөн медаль хүртсэн. Тэрбээр өнгөрсөн жил болсон Азийн АШТ-д турк бай харвааны төрөлд аваргаар тодорч байв. Морьт харваа нь улс бүрд өөрийн гэсэн өвөрмөц онцлогтой хөгжиж буй. Монголд төдийгүй дэлхийд танигдсан, эр зориг, овсгоо самбаа, ухаан, мэдрэмж шаардсан өрсөлдөөн ихтэй спортын төрөлд багтдаг. Морин дээрээс давхил дунд харваж, бай онох нь монголчуудын эртний уламжлалт зан үйл гэдгийг манай тамирчид олон улсын тэмцээнүүдэд ур чадвараараа харуулсаар байна.
2024-04-26

Монголын хоёр баг  “FIBA 3x3 Ulaanbaatar world tour”-т оролцох нь

Монголд болсон “FIBA 3x3 Ulaanbaatar super guest 2024” тэмцээнд ур чадвараа сорьсон багуудаас аваргын төлөө “Sansar”, “Zavkhan sainscore”-ынхон тоглосон. Онооны хол зөрүүгүй өрнөсөн ширүүхэн өрсөлдөөн “Zavkhan sainscore” багийнхны хожлоор өндөрлөлөө. Түрүүлсэн багийнхан 10, аман хүзүүдсэн нь таван мянган ам.долларын мөнгөн шагнал хүртсэн байна
2024-04-25

Аль нь алтан цом гардах бол

Монголын үндэсний бөхийн холбооны үндэсний алтан цомын төлөөх шигшээ найман багийн дөрөв дэх барилдаан Ховд, Баян-Өлгий аймгийн хооронд өрнөв. Улсын харцага Г.Алтангэрэлийн удирдлагад бэлтгэл базаасан Ховд аймгийнхан өрсөлдөгчөө 19:6-гаар илт давуу ялж, шөвгийн дөрөвт шалгарсан. Тус багийнхнаас улсын аварга О.Хангай, улсын заан Б.Бат-Өлзий нар тус бүр тав, улсын заан Б.Пүрэвсайхан дөрөв, аймгийн арслан М.Баяржавхлан гурав, аймгийн арслан У.Батцоож хоёр давжээ
2024-04-25

Д.Цолмон Тайландаас хүрэл медальтай ирнэ

Тэднээс эмэгтэйчүүдийн ангилалд Д.Цолмон шийдвэрлэх тулаанд Хонконгийн тамирчныг 13:10-аар ялж, хүрэл медаль хүртлээ. Түүний амжилт Монголын пара туялзуур сэлмийн спорт түүхэнд нэгэн шинэ хуудас нээсэн тивийн анхны медаль юм. Эл спортоор тав дахь жилдээ хичээллэж байгаа тэрбээр өнгөрсөн жил “Ханжоу-2022” Азийн зуны паралимпийн наадамд улсаа төлөөлөн оролцож байв.
2024-04-25

Д.Батсүрэн их мастеруудыг хожиж түрүүлэв

Тэгвэл дөрөвдүгээр өрөгт Сербийн их мастер Лука Будисавлевичийг (2483), тавд Энэтхэгийн их мастер, одоо АНУ-ын өмнөөс тэмцээнд оролцдог Акшат Чандраг (2489), зургаад Нидерландын их мастер Лукас ван Форестыг (2512), долоод АНУ-ын их мастер Жозайя Стирманыг (2462), наймд Унгарын их мастер Гергели Канторыг (2527), есөд Туркийн тамирчин, дэлхийн хамгийн залуу их мастер Энди Вудвордыг (2515) хөлөг дээр буулган авчээ. Тус тэмцээний 2023 оны эхний улиралд манай шатарчин дэд байр эзэлж байв.
2024-04-25

Спортын 10 төрөлд аваргуудаа тодрууллаа

Монголын оюутны спортын VI наадам өнөөдөр өндөрлөнө. Энэ удаа 34 их, дээд сургуулийн 2400 гаруй тамирчин спортын 10 төрөлд 533 багц медалийн төлөө өрсөлдөж буй. Тус наадмын хагас шигшээ тэмцээн сагсан бөмбөгөөр эхэлж, волейболоор үргэлжлэн, спортын бусад төрөлд аварга баг, тамирчныг тодруулжээ. Волейболын төрөлд эрэгтэйчүүдийн багаас М.Бат-Очир дасгалжуулагчтай ШУТИС-ийнхан хүчтэй өрсөлдөгч болох МУИС-ийнхнаас илүүрхэж, тэргүүлсэн
2024-04-25

Монголын жүдочид тус бүр гурван мөнгө, хүрэл медаль хүртэв

Хонконгод болсон жүдо бөхийн Азийн АШТ-д үндэсний шигшээ багийнхан оролцож, хоёр, гурав дахьөдрийн барилдаанаас медальхүртэн, амжилттай өндөрлүүлж байна. Эмэгтэйчүүдээс 63 кг-ын жинд “Алдар” спорт хорооны тамирчин, Азийн аварга, ОУХМ Б.Ганхайчалтан медалийн төлөө Японы тамирчин Ямагүчи Кираритай, хүнд жин болох +78 кг-д зодоглосон А.Адъяасүрэн БНСУ-ын И Хён Житой хүчсорьж, мөнгөн медальзүүв
2024-04-24

“Хан жигүүртэн” клубийнхэн алтан цомын эзэн боллоо

Монголын хөл бөмбөгийн холбооноос зохион байгуулсан залуучуудын лигийн АШТ өндөрлөлөө. Тус тэмцээнд 19 хүртэлх насныхны таван клубийн 90 тоглогч ур чадвараараа өрсөлдөж, аварга багийг тодруулав. Ана мана тоглосон олон өрсөлдөгчөөс энэ удаа Л.Банзрагч дасгалжуулагчийн удирдлагад бэлтгэл базаасан “Хан жигүүртэн” клубийнхэн 21 оноогоор түрүүлж, алтан цомын эзэн болов
2024-04-24

Г.ЭНХЖИН: Дугуйчид уралдааны замд хурд, тэсрэлт, овсгоо самбаа гээд бүх зүйлээ гаргадаг

Дугуйн спортын эмэгтэй тамирчдаас Г.Энхжин богино хугацаанд амжилт гаргасан. Тэрбээр Монголд дугуйн шилдэг тамирчдыг төрүүлсэн алдарт дасгалжуулагч Н.Нармандах агсны шавь юм. Түүнийг ур чадвараа ахиулж, гадаад, дотоодын тэмцээнд хурд сорьдог болоход багшийнх нь хичээл зүтгэл их нөлөөлжээ. УАШТ, олон өдрийн уралдаанд нэг бус удаа түрүүлж, улсын аваргаар шалгарсан түүнд Азийн АШТ, Азийн тоглолтын уралдаанд хурд сорьсон чамгүй туршлага бий.
2024-04-23

Монголын хоккейчид С дивизионд өрсөлдөх нь

Кувейт улсад зохион байгуулсан шайбтай хоккейн Сбуюу IV дивизионы ДАШТ-д Монголын үндэсний шигшээ багийнхан оролцож, мөсөн талбайд ур чадвараа харуулав. Тус тэмцээнд манайхан эхний тоглолтод Индонезийн шигшээг 9:3-оор хожсон. Дараагийнхад нь Кувейтийн багийг 5:2, Малайзын тоглогчдыг 14:2-оор ялснаар дэлхийн аваргаар тодорсон юм. Тэд ДАШТ-д цөөнгүй оролцсон ч энэ удаа тэргүүн байрт шалгарч, ирэх жил С дивизионд өрсөлдөхөөр болсон нь хөгжөөн дэмжигчдээ баярлуулсан бах дам амжилт байв. Монголын хоккейчид өмнө нь бөмбөгтэй хоккейн ДАШТ-ээс хүрэл медаль хүртсэн түүхтэй.
2024-04-22

Жүдочид алт, хүрэл медаль зүүв

Хонконгод үргэлжилж буй жүдо бөхийн Азийн АШТ-д үндэсний шигшээ багийнхан 36 орны 272 тамирчинтай хүч сорьж байна. Манай жүдочид эхний өдрийн барилдаанаас гурван алт, хоёр хүрэл медаль зүүв. Тухайлбал, Монголын тамирчдын медалийн салхийг эмэгтэйчүүдийн 48 кг-д “Сүлд” спорт хороо, “Имперо” группийн тамирчин, ОУХМ Б.Баасанхүү хагаллаа. Тэрбээр аваргын төлөөх барилдаанд БНСУ-ын жүдоч Ли Хи Кёнгийг үндсэн цагт цэвэр ялж, шагналын тавцанд зогслоо. Түүний амжилтыг буухиалж, 52 кг-д залуучуудын дэлхийн аварга Л.Сосорбарам БНСУ-ын тамирчин Жун Е Эринийг хожиж, хүрэл медаль хүртсэн юм
2024-04-22

Гурван бөх Парисыг зорих эрх авлаа

Киргизийн Бишкек хотод энэ сарын 19-21-нд зохион байгуулсан, “Парис-2024” олимпын наадмын эрх олгох тэмцээнд Монголын шигшээ багийн 10 тамирчин зодоглолоо. Эрэгтэйчүүдээс 86 кг-ын жинд залуучуудын ДАШТ-ий хошой хүрэл, Азийн АШТ-ий хүрэл медальт, “Хилчин” спорт хорооны тамирчин, ОУХМ Б.Бат-Эрдэнэ шийдвэрлэх барилдаанд өмнөд хөршийн Лин Зушентэй таарч, 1:1-ээр буулган авч, Парист хөл тавихаар боллоо. Тэгвэл 125 кг-д Гавьяат тамирчин М.Лхагвагэрэл БНХАУ-ын бөх, тив, дэлхийн мөнгө, хүрэл медальт Дэн Живэйг 2:0-ээр хожиж, олимпын наадамд өрсөлдөх эрх өвөртлөв
2024-04-22

М.ГАНБОЛД: Модон бөмбөгийн тамирчид гольфын цохилтын техникийг ашигладаг болсон

“Мон-Алтиус” биеийн тамирын дээд сургуулийн багш, Азийн АШТ-ий хүрэл медальт, улсын шүүгч, ОУХМ М.Ганболд модон бөмбөгийг эх орондоо хөгжүүлэхэд үнэтэй хувь нэмэр оруулсан дасгалжуулагчдын нэг. Тэрбээр эрэгтэйчүүдийн шигшээ багийг бэлтгэл хийлгэж, олон улсын болон тив, дэлхийн тэмцээнд сойж, медалиас цөөнгүй атгуулсан. Тухайлбал, Тайваньд 2007 онд зохион байгуулсан Азийн АШТ модон бөмбөгийн V тэмцээнд эрэгтэй тоглогчдынхоо хамт 15 орны 150 тамирчинтай өрсөлдөж, хүрэл медаль анх удаа гардан, хойшид оролцох тамирчдадаа амжилтын жим гаргаж байв. Түүний удирдагад бэлтгэл базаасан эрэгтэйчүүдийн шигшээ багийнхан 2011, 2013, 2014, 2016, 2018, 2019, 2023 онд болсон тив, дэлхийн тэмцээнд бахдам амжилт үзүүлж, мөнгө, хүрэл медальтай эх орондоо ирсэн билээ.
2024-04-22

Э.Ариунтамир сэлэлтийн гурван төрөлд хүрэл медаль хүртжээ

Хонконгод зохион байгуулсан усанд сэлэлтийн 64 дэх удаагийн олон улсын тэмцээнд Монголын сэлэгчид оролцлоо. Тэднээс эмэгтэйчүүдийн төрөлд “Сэлэм загас” клубийн тамирчин Э.Ариунтамир 50 метрийн араар даллах сэлэлтийн төрөлд (30 секунд 37 доль) шагналын салхи хагалж, хүрэл медаль хүртэв. Тэрбээр 100, 200 метрийнхэд ч мөн амжилт гаргасан байна
2024-04-19

“Ферей Монгол” багийнхан Азийн АШТ-д хурд сорино

Монголын дугуйн спортын “Ферей Монгол” шигшээ багийнхан Турк улсад болсон “Tour of Mersin” олон улсын уралдаанд Европын 25 багийн 163 дугуйчинтай хурд сорьж, багаараа есдүгээр байрт жагсжээ. Тэднээс “Ханжоу-2022” Азийн наадмын хүрэл медальт С.Жамбалжамц нийлбэр дүнгээр 14-т бичигдлээ. Түүнээс гадна ОУХМ Б.Идэрболд 23 дугаар байр эзэлснээр шилдэг 25 дугуйчны тоонд багтав. Манай тамирчид өмнөд хөршид хоёр сар бэлтгэл базааж, дээрх тэмцээнд оролцсон. Тэд БНХАУ-д ирэх сарын 11-14-нд, мөн Туркт 16-19-нд, Узбекистанд 27-31-нд болох тэмцээнд уралдана. Дээрх тэмцээнүүдэд оролцсоныхоо дараа Казахстаны Алматы хотыг зорьж, зургаадугаар сарын 5-12-нд болох Ази тивийн АШТ-д тоос өргөх аж.
2024-04-18

Архангай, Өвөрхангай аймгийнхан шөвгийн дөрөвт тунав

Монголын үндэсний бөхийн холбооны алтан цомын төлөөх шигшээ найман багийн барилдаан өрнөж байна. Эхний барилдаанд Архангайн бөхчүүд Төв аймгийнхантай зодоглосон. Архангай аймгийнхан өрсөлдөгчөө 18:7-гоор илүүрхэж шөвгийн дөрвөн багт шалгарлаа. Архангай аймгийн багаас улсын харцага Б.Зоригтбаатар тав, улсын харцага С.Сүхбат дөрөв, аймгийн арслан Э.Мөнхжаргал хоёр, аймгийн арслан Д.Ням-Очир дөрөв, цэргийн заан Ө.Батсуурь хоёр давж, тавдугаар тойргоос сэлгээнд сууснаар түүний оронд барилдсан улсын арслан Р.Пүрэвдагва нэг, нийт 18 даваа авав. Багийн дасгалжуулагчаар улсын гарди Д.Рагчаа, улсын начин Ч.Ганзориг нар ажиллажээ. 
2024-04-18

Манай тамирчид Камбожийн шигшээтэй тоглох нь

Олон улсын хөл бөмбөгийн холбооны өдрийг тохиолдуулан Монголын үндэсний шигшээ багийнхан ирэх зургаадугаар сарын 7-нд Камбож улсын тамирчидтай Пномпень хотод нөхөрсөг тоглолт хийхээр боллоо. Харин хариу нөхөрсөг тоглолт Улаанбаатарт 11-нд болох юм. Шигшээ багийнхныг үүнээс гадна ирэх есдүгээр сард болох, 2027 оны Азийн хөл бөмбөгийн холбооны Азийн цомын тэмцээний урьдчилсан шатны тоглолт хүлээж байгаа. Мөн арваннэгдүгээр сард болох Зүүн Азийн АШТ-ий эхний шатны тэмцээнд оролцоно. 
2024-04-18

МУИС-ийнхан хөгжөөн дэмжигч бүжгийн төрөлд тэргүүн байр эзэллээ

Тэдэнтэй ана мана өрсөлдсөн МУБИС-ийнхан (66.8 оноо) мөнгө, АШУҮИС-ийнхан (63.3) хүрэл медаль хүртэв. Түрүүлсэн багийнхан Тайландын Бангкок хотод энэ сарын 6-8-нд болсон Ази тивийн цомын аварга шалгаруулах тэмцээнд найман улсын 300 гаруй тамирчинтай өрсөлдөж, 18-аас дээш насныхны ангилалд аваргаар шалгарч байсан билээ. Оюутны их наадмыг тэргүүлсэн баг, тамирчин БНСУ-ын Тэгү хотод болох “Оюутан сурагч” олон улсын наадамд эх орноо төлөөлж өрсөлдөх юм.
2024-04-18

М.ТАМИР: Шавь нартаа амжилтаас илүү хүнлэг байхыг заадаг

Жүдо бөхийн спортын дэд мастер, “Гранд мастер-2024” УАШТ-ий алтан медальт М.Тамир үндэсний бөхөөр анх хичээллэж, сумын заан цол хүртэн тамирчны гараагаа эхлүүлж байжээ. Жиү жицүгийн бор бүстэй тэрбээр олон улсын тэмцээнд хүч сорихын зэрэгцээ “Эрхэс” клубийн дасгалжуулагчаар ажилладаг. Тухайлбал, БНСУ-д зохион байгуулсан “Soul international pro”, эх орондоо болсон“Ulaanbaatar international pro” тэмцээнээс тус бүр хошой мөнгөн медаль хүртэж, Бүх Солонгосын аваргашалгаруулах бүсний ангилалгүй жиү жицүгийн ноги тэмцээнээс хүрэл цом гардаж байв. Шагналын салхиа мөнгөн медалиар хагалсан тэрбээр өнгийг нь хувиргаж, өмнөд хөршийн Шанхайд болсон нээлттэй тэмцээнд түрүүлсэн бол Бээжинд болсон “AJP tour China national” тэмцээнд өрсөлдөн тэргүүн байрт шалгарсан юм. Түүнчлэн “Paiva cup international”-д тэргүүлэн, “Street jiu jitsu”, “Jager international jiu jitsu championship” олон улсын тэмцээнд хошой аваргаар тодорсон түүнийг зочноор урилаа.
2024-04-16

Оюутны спортын VI наадам сагсан бөмбөгийн төрлөөр эхэллээ

Монголын оюутны спортын VI наадмын нээлт Спортын төв ордонд өчигдөр болж, шигшээ тэмцээн сагсан бөмбөгийн төрлөөр эхэллээ. 1959 онд улс даяар олон нийтийг хамарсан томоохон арга хэмжээ болсон нь оюутны спортын анхдугаар наадам байжээ. Энэ сарын 25 хүртэл үргэлжлэх тус наадамд өмнөхөөс илүү олон баг оролцож буйгаараа онцлогтой аж
2024-04-16