Цэргийн дуу бүжгийн Эрдмийн чуулгын удирдлага хамт олон “Байгууллагын 2024 оны гүйцэтгэлийн төлөвлөгөө”, “Чуулгын 2024-2025 оны өвөлжилтийн бэлтгэл ажлыг хангах төлөвлөгөө”, “Хөдөлмөрийн аюулгүй байдал, эрүүл ахуй-2024” аяны хүрээнд зохион байгуулсан “Шилдэг тохижилттой алба”, “Шилдэг сургалтын танхим” шалгаруулах болзолт уралдааны үр дүнд өвөлжилтийн бэлтгэлээ хангахын зэрэгцээ уран бүтээлч, алба хаагчид ая тухтай ажиллах, үүрэг гүйцэтгэх, өдөр тутмын үйл ажиллагаа, сургалт, соёл олон нийтийн арга хэмжээг тасралтгүй явуулах бэлэн байдлыг хангаж, үзэгчид тохилог, сэтгэл хангалуун үйлчлүүлэх боломжтой боллоо.
Уг ажлын хүрээнд хэлтэс албадуудын албан өрөө, дасгал сургалтын танхимуудыг тохижуулж, дулааны болон цахилгааны шугам сүлжээний урсгал засварыг бүрэн хийж, Соёлын төв өргөөний Үзвэрийн танхимын тайзны гэрэлтүүлгийг шинээр суурилуулж, аппаратур, тоног төхөөрөмжийг сэргээн засварлаж, үзэгчдийн сандлын өнгө үзэмжийг сайжруулав.
Түүнчлэн уран бүтээлчдийн ёслол албаны тоглолтын зарим хувцас, малгайн загварыг шинэчилсэн бол үйлчилгээний ажилтан албан хаагчдаа хөдөлмөр хамгааллын хувцас хэрэглэлээр бүрэн хангасан юм.
