Зах зээлийн үнэлгээний 32 хувь нь таван компанид ногджээ
МХБ-ийн Топ-20 индекст багтаж буй компаниудыг салбараар нь харвал 39.4 хувь нь аж үйлдвэр, 38.8 хувь нь банк санхүү, 18.1 хувь нь уул уурхай, 1.8 хувь нь харилцаа холбоо, 1.9 хувь нь худалдаа, үйлчилгээнийх байжээ. Уул уурхайн бүтээгдэхүүний биржийн дуудлага арилжаагаар таван төрлийн 241 багц буюу 1.54 сая тонн нүүрсийг 1.22 их наяд төгрөгөөр борлуулсан аж. Үүний 82.9 хувийг БНХАУ, 11.4-ийг нь Хонконг, 5.7-г нь Сингапур худалдан авчээ.
2023-08-21
“Төрийн банк” 42.1 тэрбумын цэвэр ашигтай ажиллав
Тус компани сүүлийн гурван жил нийт активаа дунджаар 8.1 хувиар нэмэгдүүлсэн аж. 2023 оны төлөвлөгөөндөө стратегийн тэргүүлэх гурван чиглэлийн дагуу зорилтууд дэвшүүлсэн бөгөөд зургадугаар сарын эцсийн байдлаар гүйцэтгэл нь 66.4 хувьд хүрснийг Хөрөнгө зохицуулалтын газрын захирал Д.Жадамбаа дурдав. Өнгөрсөн онд олон нийтээс татан төвлөрүүлсэн хөрөнгийг тогтвортой хөгжил, дундаж давхаргад чиглэсэн бүтээгдэхүүнд бүрэн зарцуулсан гэнэ.
2023-08-21
“Хаан банк” 272 тэрбумын цэвэр ашигтай ажиллажээ
Мөн өөрийн хөрөнгийн өгөөж нь 32.7, чанаргүй зээлийн харьцаа нь 5.2, зээл депозитын харьцаа 67.7 хувьд хүрч, 2023 оны эхний хагас жилд 272 тэрбум төгрөгийн цэвэр ашигтай ажилласан байна. Системийн бэлэн байдлыг 99.9 хувь хангаж, онлайн зээл олголтын тоогоо хоёр дахин өсгөн, давхардсан тоогоор 1.4 саяд хүргэжээ. Нийт зээлийн багцынх нь 21.4 хувийг онлайн зээл эзэлсэн аж. Өнгөрсөн дөрөвдүгээр сард хувьцаат компани болсон “Хаан банк” нь ажилтнууддаа зориулсан хайбрид, смарт оффис төсөл хэрэгжүүлж буй юм байна.
2023-08-14
АХБ-ны Монгол Улс дахь Суурин төлөөлөгчөөр Шэннон Коулин томилогдлоо
Азийн Хөгжлийн Банк (АХБ)-ны Монгол Улс дахь шинэ суурин төлөөлөгчөөр Шэннон Коулин томилогдон, ажлаа хүлээн авлаа. Хатагтай Коулин АХБ-ны Монгол Улс дахь үйл ажиллагаа, төсөл хөтөлбөр болон 2021-2024 онд АХБ-ны Монгол Улстай хамтран хэрэгжүүлэх түншлэлийн стратегийн хэрэгжилтийг ханган ажиллана.
2023-08-09
Гадаад валютын нөөц 3.82 тэрбум ам.долларт хүрэв
Эргэн сануулахад, уг нөөцийн хэмжээ 2023 оны эхний сард 3.55, дараагийн сард нь 3.39, гуравдугаар сард 3.43, дөрөвдүгээр сард 3.69, тавдугаар сард хамгийн өндөр буюу 3.89, зургадугаар сард 3.81 тэрбум “ногоон” байсан юм. Төвбанк зургадугаар сард гадаад валютын найман удаагийн ээлжит дуудлага худалдаагаар хамгийн багадаа 30, ихдээ 60 гээд нийт 381 сая ам.доллар нийлүүлжээ. Тэгвэл өмнөх сард зургаан удаагийн дуудлага худалдаагаар 43.4- 80.2 сая гээд нийт 363.6 сая “ногоон” нийлүүлснийг статистикаас харж болохоор байв.
2023-08-09
Төвбанк 8.5 тонн үнэт металл худалдан авчээ
Төвбанк өнгөрсөн сард 1.17 тонн үнэт металл худалдан авчээ. Улмаар энэ оны эхнээс өссөн дүнгээр 8.5 тонн үнэт металл худалдан авсан дүн гарсан байна. Тодруулбал, нэгдүгээр сард 519.8, дараа сард нь 701.2, дөрөвдүгээр сард нь 998.7 кг-ыг авсныг статистикаас харж болохоор байв. Тэгвэл гуравдугаар сард эл дүн 1.01, тавдугаар сард 2.41, дараа сард нь 1.69 тоннд хүрсэн гэнэ. Энэ жилийн эхнээс өссөн дүнгээр Дархан-Уул аймаг дахь Монголбанкны хэлтэс 852.9, Баянхонгор дахь хэлтэс нь 536.6 кг үнэт металл авсан аж. Тус банк эл таваарын үнийг дэлхийн зах зээл дэх ханшаар тооцдог бөгөөд өмнөх сард нэг грамм алтыг дунджаар 215 352 төгрөгөөр худалдан авчээ.
2023-08-08
Монголбанк долдугаар сард 363.6 сая ам.доллар нийлүүлжээ
Долдугаар сарын байдлаар Монгол Улсын гадаад валютын албан нөөц 3.8 тэрбум ам.доллар болсныг Монголбанк мэдээллээ. Энэ нь өмнөх сараас 0.25 хувиар өссөн дүн болж байгаа бол оны эхнээс 12.6 хувиар, өмнөх оны мөн үетэй харьцуулбал 32.96 хувиар өссөн үзүүлэлт болжээ.
2023-08-08
Арилжааны таван банк хөрөнгийн захаас 302 тэрбум төгрөгийг төвлөрүүлжээ
2023 оны эхний хагас жилд Банкны тухай хуулийн нэмэлт өөрчлөлтийн хүрээнд системийн 5 банк болох Хаан банк, Худалдаа хөгжлийн банк, Хас банк нь 2023 оны зургадугаар 30-ны өдрөөс өмнө нээлттэй компани болох үүрэг хүлээсний дагуу эдгээр банкууд нь олон нийтэд хувьцаагаа санал болгож, нийт 302.5 тэрбум төгрөгийг амжилттай татан төвлөрүүлснээр олон нийтэд нээлттэй компани болсон.
2023-08-08
МХБ-ийн зах зээлийн үнэлгээ 10 их наяд төгрөгт хүрчээ
Монголын Хөрөнгийн бирж 2023 оны эхний хагас жилд үйл ажиллагаанаас нийт 5.0 тэрбум төгрөгийн орлогыг олж, 2.6 тэрбум төгрөгийн зардлыг санхүүгийн тайланд хүлээн зөвшөөрснөөр 2.4 тэрбум төгрөгийн татварын өмнөх цэвэр ашигтай ажиллажээ. Улсын төсөвт нийт 429.3 сая төгрөгийн татвар, шимтгэлийг төлсөн байна.
2023-08-08
Монгол Улсын зээлжих зэрэглэлийг тогтвортой хэвээр үлдээлээ
Үүнээс гадна төсвийн алдагдлаа бууруулахын зэрэгцээ ДНБ-ий нэрлэсэн өсөлтийн нөлөөгөөр гадаад өрийн дарамтаа багасган, 2022 онд Засгийн газрын цэвэр өрийн ДНБ-д эзлэх хувь хоёр жилийн өмнөхөөсөө 14 орчим нэгж хувиар буурч, 63.6 хувьд хүрснийг мөн тэмдэглэсэн аж. Оюутолгойн гүний уурхайн олборлолтын хэмжээ нэмэгдэж буйгаас БНХАУ руу хийх экспорт өсөн, улмаар Монгол Улсын гадаад нөхцөл байдал сайжрах зэргийг үнэлэн зээлжих зэрэглэлийг тогтвортой хэвээр үлдээснээ “Эс энд Пи” агентлагаас мэдээлжээ.
2023-07-31
Төрийн банкны цэвэр ашиг 40 хувиар буурлаа
“Төрийн банк” энэ оны хоёрдугаар улирлын байдлаар 42.1 тэрбум төгрөгийн цэвэр ашигтай ажилласнаа мэдээлэв. Энэ нь өнгөрсөн жилийн мөн үеийнхээс цэвэр ашгийг хэмжээ 40 хувиар багассан дүн болжээ. Харин хүүгийн цэвэр орлогоо таван хувиар өсгөн, 116.6 тэрбум төгрөгт хүргэсэн байна. Түүнчлэн дээрх банкны хувьцааных нь ханш энэ оны эхнээс долдугаар сар хүртэл 17.9 хувиар буурч, зах зээлийнх нь үнэлгээ 88.7 тэрбум төгрөгөөр багассан аж. Ташрамд дурдахад, “Төрийн банк” нь өнгөрсөн оны аравдугаар сард Монголын хөрөнгийн биржээр дамжуулан хувьцаагаа олон нийтэд нээлттэй арилжиж, 25.4 тэрбум төгрөгийг татан төвлөрүүлсэн билээ.
2023-07-20
ХХБ хөрөнгө оруулагчдаас 105.5 тэрбум төгрөгийн захиалга авчээ
Худалдаа хөгжлийн банк нь анхдагч зах зээлийн арилжаанд нийт 2528 хөрөнгө оруулагчдаас 105.5 тэрбум төгрөгийн үнийн дүн бүхий захиалга хүлээн авчээ. Ингэснээр татан төвлөрүүлэх зорилтот дүн болох 83.5 тэрбум төгрөгийн захиалга 126.4 хувийн гүйцэтгэлтэйгээр хаагдлаа.
2023-07-19
Юанийн ханш өсжээ
Энэ талаар “Найман шарга”-ын нэгэн ченж “Хичээлийн шинэ жил удахгүй эхлэх учраас юанийн ханш цаашид улам өсөх байх. Ер нь баяр наадам, амралт зугаалгын улирал дуусахтай зэрэгцэн манай улсын гадаад худалдааны голлох валютуудын эрэлт, ханш нэмэгддэг хандлагатай. Мөн банкууд ажиллахгүй байгаатай холбоотойгоор бэлэн юань ховордсон” гэлээ. Тэгвэл Монголбанкнаас зарласан албан ханшаар өчигдөр нэг юань 474.53 төгрөгтэй тэнцсэн нь энэ сар гарснаас хойш тав орчим төгрөгөөр “чангарсан” дүн болов.
2023-07-17
Унци алтны ханш 1930 ам.доллар болов
Алтны ханш баасан гарагт хямдарлаа. Улмаар эл таваарын үнэ өмнөх долоо хоногт сүүлийн дөрвөн сар гаруйн хугацаанд байгаагүй өндөр дүнгээр доошилсон тухай “Reuters” уламжлав. Ам.долларын ханш чангарсан болон Холбооны нөөцийн сангийн мэдэгдэл үүнд голлон нөлөөлсөн аж. Баасан гарагт унци шар металлын ханш 1930 ам.доллартой тэнцсэн юм. Эргэн сануулахад, өнгөрсөн сарын эхээр унцийнх нь үнэ 2000 “ногоон” даваад байсан бол өдгөө ийн хямдраад байна.
2023-06-26
