Монголын дартсын өсвөр үеийн улсын гурван удаагийн аварга, “JDC world darts cup-2022”, “The capital open 2024” тэмцээний тус бүр хүрэл медальт, “Уужим од” ХХК, “MGL darts” клубийн тамирчин Х.Тэргэл “JDC advanced tour 2024”-т өрсөлдөж, дэлхийн шилдэг 32 тамирчнаас чансаагаараа эхний 10 байрт жагссан.
Тэрбээр өдгөө Баянзүрх дүүргийн ерөнхий боловсролын 44 дүгээр сургуулийн 9и ангид сурдаг юм. Түүний амжилтыг үнэлж Английн дартсын спортын “Winmau” брэнд хоёр жилийн албан ёсны гэрээ байгуулсан аж. “Winmau 360” багийн анхны монгол тоглогч болсон тэрбээр ирэх жил зохион байгуулах “JDC advanced tour-2025” тэмцээнд оролцох эрх гардлаа.
