Женко Тур Бюро компаниас орчин үеийн аялал жуулчлалын брэнд арга хэмжээг Монголдоо бий болгох зорилгын хүрээнд зохион байгуулсан “Hunnu Music Festival 2015” хөгжмийн наадам долоодугаарсарын 14-нд 4,000 гаруй залуусыг Цонжин Болдогт цуглуулсан билээ.
Тэгвэл тус наадмын үргэлжлэл болох HMF Block Party энэ сарын 23-нд 21:30 цагаас The Corporate Hotel&Convention Center-т зохиогдох гэж байгаа бөгөөд тус арга хэмжээнд дэлхийн супер одуудын дунд өндрөөр үнэлэгддэг АНУ-ын Лос Анжелес хотоос гаралтай хөгжмийн продюсер, ая зохиогч, алдарт DJ Diplo уригдан оролцож, дэлхий даяар хүрсэн ХИТ хөгжмүүдээ тоглох гэж байна.
Тэрбээр, электроник хөгжмийн шилдэг DJ Skrilex-тэй 2013 оноос эхлэн хамтран Jack Ü нэрийн доор уран бүтээл гаргаж байгаа бөгөөд тэднийг Dance хөгжмийн дэлхийн хамгийн алдартай хамтрагчид хэмээн нэрийдэж болно.
Түүнчлэн Diplo нь Mad Decent, Major Lazer гэх мэт уран бүтээлийн нэгдлүүдийн дор дэлхийн шилдэг авьяастнуудтай хамтардаг бөгөөд орчин үеийн RNB, поп урсгалын олон уран бүтээлчид түүнтэй хамтран ажиллахыг хүсдэг нь нууц биш юм.
HMF Block Party-ны тасалбар 55 мянган төгрөгний үнэтэй бөгөөд худалдан авалтанд үнэгүй уух зүйл дагалдана. Тоглолтыг үзэх хүсэлтэй хүмүүс энэ сарын 23-ны өдөр тасалбараа The Corporate Hotel and Convention Center-ийн хаалганаас худалдан авч орно.
