“МУБИС-ийн оюутан, багш нарыг гадаадад суралцуулахад анхаарна”

Улсын хэмжээнд багш нарын 50 орчим хувийг дангаараа бэлтгэж буй төрийн өм­чийн сургууль болох Монгол Улсын бо­ловс­­­ролын их сургууль (МУБИС)-ийн сур­­­­гал­­тын хөтөлбөрүүдтэй Боловсролын сайд болон харьяа хэлтсийн удирдлагууд та­­нилц­­жээ. Өөрөөр хэлбэл, тус сургуулийн удирд­лага, багш нартай уулзаж, багш бэлт­гэх хөтөлбөрийн өнөөгийн байдал, цаа­шид ан­хаарах зүйлсийн талаар санал солилц­сон байна. МУБИС-ийн хөтөл­бө­рүүдийн 30 орчим хувь нь багш бус чиг­лэлийн мэр­гэж­лийнх гэнэ. Тус сургууль нь багш бус олон чиглэлээр мэргэжилтэн бэлт­гэх шаард­лагагүй тул хос мэргэжлийн хөтөл­бөрүүд бий болгох нь зүйтэйг бодлогын түв­шинд ярилцаж буйг сайд П.Наранбаяр онцлов. Түүнчлэн ялгаатай хэрэгцээтэй хүүхэд, иргэдэд боловсролын үйлчилгээг тэгш хүргэхийн тулд багшийн хөтөлбөрт тэгш хамран сургах чиглэлийн агуулгыг заавал судлах кредит байдлаар оруулах, бакалавр, магистрын түвшний элсэлтийг нэмэгдүүлэх шаардлагатайг уулзалтын үеэр ярилцсан юм. Мөн хичээлийн агуулгын 20 хүртэлх хувийг англи хэлээр заах, цахим сургалтыг хөгжүүлэх чиглэлд анхаарахыг санууллаа. Эл­сэлтийг нэмэгдүүлэхийн тулд оюутан, төг­сөгч, багш нарыг гадаадад сурал­­цуулах, чадавх­жуулах, их сургуулиуд хоо­ронд кре­дит солилцох боломжийг бий бол­гоход дэм­ж­лэг үзүүлэхээ салбарынх нь удирд­ла­гууд амласан юм.
Сонирхуулахад, тус сургуульд энэ хичээ­лийн жилд нийт 11 212 хүн суралцаж байна. Тэдний 8483 нь бакалаврт, 1741 нь магистрт, 988 нь докторын түвшинд суралцаж буй аж.

Ч.Болор