АНУ-ын Лос Анжелес хотод урьд өмнө байгаагүй хамгийн хөнөөлтэй түймэр гарч байна. Хамгийн сүүлийн мэдээллээр таван хүн нас барж, 150 мянга гаруй хүнийг нүүлгэн шилжүүлжээ.
Нэгдүгээр сарын 7-ны мягмар гарагт эхэлсэн түймэр зөвхөн хотод л гдор хаяж хоёр мянган барилга байгууламжийг устгажээ.
Гамшигт Пасифик-Палисейдс тансаг зэрэглэлийн бүс болон Америкийн кино урлаг, шоу бизнесийн төв Холливуд хамгийн ихээр өртөөд байна.
Холливудын жүжигчин Адам Броди (Ноён & Хатагтай Смит, The O.C. телевизийн цуврал) болон Лейтон Миестер (Ховын хутгуур охин) нарын 2019 онд 6.5 сая доллараар худалдаж авсан таван унтлагын өрөө, зургаан угаалгын өрөөтэй бараг хоёр мянган хавтгай дөрвөлжин метр талбай бүхий гурван давхар гурван давхар тансаг хаус шатаж байгаа зураг Page Six сайтад хэвлэгдсэн байна. Хосууд энэ байшиндаа охины хамт амьдардаг байжээ.
"Аймшигийн кино", "Орчуулгын алдаа ", "Бөгтөр уул" зэрэг кинонуудаараа алдаршсан жүжигчин Анна Фарис мөн л гэргүй болжээ. Тэрбээр нөхрөөсөө салсны дараа 2018 онд 4.9 сая доллараар Пасифик-Палисейдс-д үл хөдлөх хөрөнгө худалдаж авсан. Бөгөөд шинэ найз залуу болон арван хоёр настай хүүгийн хамт амьдардаг байв.
87 настай жүжигчин Энтони Хопкинсийн гэр бүрэн шатжээ. Жүжигчин энэ талаар хараахан тайлбар хийгээгүй байна.
Парис Хилтоны Малибу дахь харш үнсэн нурам болжээ. Тэрбээр гэрээ шатаж байхыг бүр телевизийн шууд нэвтрүүлгээр харж байжээ. "Үгээр хэлэхийн аргагүй зүрх шимширч байна.💔 Гэр бүлийнхэнтэйгээ суугаад мэдээ үзэж, Малибу дахь гэр маань шатаж байгааг шууд эфирээр харах нь хэнд ч хэзээ ч тохиолдох ёсгүй зүйл юм.😢 Энэ байшин миний амьдралын нандин дурсамжийг хадгалж байсан юм” гэж тэрбээр инстаграммдаа бичсэн байна.
Жүжигчин Билли Кристал болон түүний эхнэр Женис нар мөн л энэ дүүрэгт 46 жил амьдарсан байшингаа алдав.
“Жэнис бид хоёр 1979 оноос хойш энэ байшинд амьдарч байна. Бид энд үр хүүхэд, ач зээ нараа өсгөсөн. Манай гэрийн булан тохой бүр хайраар дүүрэн байлаа. Мартахын аргагүй гайхалтай дурсамжууд. Бидний сэтгэл өвдөж байна, гэхдээ хүүхдүүд, найз нөхдийнхөө хайраар бид үүнийг даван туулнаа" гэж Кристалс мэдэгдэлдээ дурджээ.
Домогт “Америкт нэгэн удаа” киноны жүжигчин Жеймс Вуд гэр орноо алдсан тухайгаа CNN сувагаар ярьж байхдаа нулимсаа барьж дийлсэнгүй. "Өчигдөр та усан санд аа зугаацаж байсан бол өнөөдөр там боллоо. Би үүнээс илүү хүчтэй байна гэж бодсон ...гэвч " гэж тэрбээр хоолойгоо чичирхийлэн хэлэв.
Түймэрт байшингаа алдсан Бен Афлек орох оронгүйдээ юу эсвэл шалтаг заасан уу хууичн эхнэр жүжигчин Женнифер Гарнерын гэрт нүүж очжээ. Тэрбээр энэ тансаг харшаа Женнефер Лопесаас салсны дараа өнгөрсөн оны долдугаар сард 20.5 сая доллараар худалдаж авчээ.
Энэхүү аймшигт түймэрт Стивен Спилберг, Том Хэнкс, Адриен Броуди, Женнифер Анистон,Брэдли Купер, Майкл Китон, Риз Уизерспун зэрэг олон алдартнуудын гэр орон сүйрээд байна.
Нөхцөл байдал маш ноцтой болж байгаа тул тус мужид онц байдал зарлажээ.
