Шигшээ багийнхан Азийн АШТ-д хурд сорих нь

Дугуйн засмал замын Азийн авар­га шал­га­руулах 44 дэх удаагийн тэмцээн ирэх сарын 7-16-нд Тайландад болно. Тус тэм­цээнд дугуйн үндэс­ний шигшээ багийнхан дасгалжуулагч Т.Тө­­гөл­дө­рийн удирдлагад оролцохоор Фит­са­ну­­лок хотыг зорив. Өсвөр үе, залуучууд, на­санд хүрэгчид, мастерс ангилалд хурд сорих тэд Фичит хотод байрлан, бэлтгэл базаах юм. Манай улс дээрх тэмцээнд эрэгтэй, эмэгтэйчүүдийн өс­вөр үеийн баг бүрдүүлэн анх удаа сойх нь. Олон улсын дугуйн холбоо энэ удаа тивийн тэм­цээ­ний холимог буухиа уралдаанд насанд хү­рэгч­дийн болон өсвөр үеийнхний багийг орол­цуулахаар шийдвэрлэжээ. 
Сонирхуулахад, тус холбоо 2019 оноос эмэг­тэй дугуйчдыг дэм­жин, оролцоог нь нэмэг­дүү­лэх бодлогын хүрээнд эрэгтэйчүүдийн цуваа га­раатай багийн уралдааныг халсан юм. Ингээд ши­нээр эрэгтэй, эмэг­тэй­чүүдийн холи­мог буу­хиа уралдааныг санаа­чил­сан. Үүнтэй уял­дуу­лан Азийн дугуйн хол­боо­ноос 2023, 2024 онд зо­хион байгуулсан холи­мог буу­хиа уралдаанд Ка­захс­таны баг тү­рүүлж, хо­шой аваргаар тодорсон. Мон­голын насанд хү­рэгч­дийн холимог ба­гийн­хан “Zurich 2024” ДАШТ-д анх удаа орол­цохдоо 15 дугаар байр эзэлж байв.