Эрдэс баялгийн хайгуул, олборлолтын чуулга уулзалтыг гуравдугаар сарын 2-5-нд зохион байгуулна

“PDAC-2025” буюу олон улсын эрдэс баял­гийн хайгуул, олборлолтын чуулга уул­залтыг Канадын Торонто хотноо ирэх гуравдугаар сарын 2-5-нд зохион бай­гуулах аж. Уг чуулга уулзалтын хү­рээнд үзэсгэлэнгийн хэсэг гаргах бө­гөөд манай улсаас Аж үйлдвэр, эр­дэс баялгийн яам, Монголын уул уур­хайн үндэсний ассоциац болон аж ахуйн нэг­жийн төлөөллүүд оролцох юм бай­на. Эл үзэсгэлэнгийн үеэр  эрдэс баялгийн салбараа сур­талч­­лан, үйл ажиллагаагаа танилцуулах со­нир­хол­той аж ахуйн нэгж, байгууллагууд Мон­голын уул уурхайн үндэсний ас­со­циа­ц­ын­хантай холбогдон хамтран ажиллах бо­ломжтой гэнэ.
Ташрамд дурдахад, манай улс эрдэс баялгийн хайгуул, олборлолтын чуулга уулзалтад 2006 оноос хойш идэвхтэй орол­­цож, туршлага солилцсоор ир­жээ. Ка­надын хайгуулчид ба хөг­жүү­лэгч­дийн нийгэмлэг нь уг уулзалтыг зохион бай­гуулдаг бөгөөд дэлхий даяар ашигт малт­малын хайгуул, олборлолтын ги­шүүн 7000 гаруй компанийг эг­нээн­дээ нэгт­­гэсэн аж. Хариуцлагатай, тогт­вор­той, ашигт малтмалын салбарыг бий бол­гох, та­ниулах зорилгоор дээрх чуулга уул­зал­тыг 1932 оноос хойш тогт­мол зохион байгуулж буй юм.

У.Сүрэн