24 жил-Шотландын Галифакс хотын иргэн, 69 настай Ж.Льюис 1991 оноос тасралтгүй 24 жил сугалаа худалдаж авсны эцэст аз нь гийж, 4.3 сая евро хожжээ. Өнгөрсөн долоо хоногт тэрбээр хонжворын мөнгөө аваад хамгийн түрүүнд гэрийн шаахайгаа шинэчилсэн гэнэ.
232 тэрбум доллар-Дэлхийн хамгийн баян 20 эмэгтэйн хөрөнгийг нийлүүлбэл ийм хэмжээний ам.доллар болно. Тэдгээр эмэгтэй ямар нэгэн өв залгамжлаагүй, бор зүрхээрээ бизнесээ хөл дээр нь тогтоож, өөрийн хуримтлалтай болж чадсан гэдгээрээ онцлог аж.
6 жил-Английн үзэсгэлэнт бүсгүй, Холливудын хатан хаан хэмээгддэг байсан Элизабет Тейлор сэрүүн тунгалаг үедээ өөрийн оршуулгад зориулан эмгэнэлийн үг бичсэн аж. “New York Times” сонинд хэвлүүлэх тэрхүү үгийг тэрбээр зургаан жил “нухсан” гэдэг.
10 хоног-Зимбабве улсын цагдаагийн түрүүч А.Мабхуну Ерөнхийлөгч Р.Мугабегийн жорлонд бие зассаны учир 10 хоног шоронд суух ял авчээ. Тус улсад өнгөрсөн тавдугаар сард болсон ZITF буюу олон улсын яармаг худалдааны үеэр Мабхуну арга хэмжээ явагдаж байсан байгууламжийн хамгаалалтад гарч байхдаа ийнхүү “танхайрсан” байна.
10 сар-2012 онд БНАСАУ-ын бүх их, дээд сургуулийг онцгой нөхцөл байдал буюу агуу удирдагч Ким Ир Сений мэндэлсний 100, Ким Чен Ирийн төрсний 70 жилийн ойд зориулсан их бүтээн байгуулалтын ажлын улмаас 10 сарын турш хааж, оюутнуудыг дайчилсан гэнэ. -Японы Фүнабаси хотын иргэн, 52 настай Фүсэ өнгөрсөн хоёрдугаар сарын 6-наас гуравдугаар сарын 30 хүртэлх хугацаанд Гал унтраах ангийн утас руу 5000 удаа хуурамч дуудлага хийсэн учраас шүүхийн хаалга татахад хүрчээ.
