26 жилийн турш сонсогчдынхоо сонорыг мялаасан “Харанга” хамтлагийн уран бүтээлчид энэ сарын 9-нд Скай Ресортод хүндэтгэлийн тоглолт хийх нь ээ. Энэ үеэр сэтгэлд хоногшсон дуунуудаа толилуулахаас гадна тус тоглолтын үзэгчид “Харанга” хамтлагийн түүхийг өгүүлэх “Харангын амьдрал” киноны анхны үзэгчид болох гэнэ.
Тоглолт гэхээсээ илүүтэй хамтлагийнхан болоод фэнүүдийн халуун дотно уулзалт, үдэшлэг хэлбэрээр зохион байгуулах арга хэмжээний үеэр дуудлага худалдаа, ярилцлага, диско бүжиг өрнөнө. 100 гаруй тасалбар борлуулахаар бэлдээд байгаа бөгөөд ангиллаас хамаарч 50-150 мянган төгрөгийн үнэтэй. Тасалбарын захиалгыг 9903-1800 дугаарт залгаж өгөх боломжтой.
