Олон улсын агаарын тээврийн компаниудын чансааг жил бүр танаддаг “Skytrax” байгууллага ээлжит судалгаагаа танилцуулжээ. Тэд олон улсын хэмжээнд явуулсан судалгаандаа 19 сая зорчигчийг хамруулан саналыг нь авч, дэлхийн агаарын тээврийн компаниудын чансааг гаргасан байна. Энэ жилийн шалгаруулалтаар Катарын “Qatar аirways” компани дахин тэргүүлжээ. Ингэснээр гурван жил дараалан шилдэг болсон байна. Удаах байрт Сингапурын “Singapore аirlines” орсон бол гуравдугаарт Хонконгийн “Cathay Pacific аirways” компани жагслаа. Араас нь Турк, Арабын Нэгдсэн Эмират Улсын “Emirates аirways” болон “Etihad аirways”, Японы “ANA All Nippon аirways”, Индонезийн “Garuda Indonesia”, Хятадын “EVA аir”, Австралийн “Qantas аirways” жагсаж, дэлхийн шилдэг 10-т багтсан байна.
