БНХАУ-ын Шэньян хотод нэгэн эр 600 мянган ширхэг зоосоор цоо шинэ SUV машин худалдан авчээ. Тодруулбал, 680 мянган юанийн үнэтэй машиныг худалдан авахдаа 1320 боодолд хуваасан нэгтийн зоос (юань) өгчээ.
Дөрвөн тонн жинтэй зоосыг машинд ачиж ирсэн бөгөөд дөрвөн метрээс урт эгнүүлсэн байна. Машин борлуулагч компанийн 10 ажилтан зоосыг тоолсон гэнэ. Тэрбээр шатахуун түгээх станцад ажилладаг тул үйлчлүүлэгчдийн мөнгөний хариултад ихэвчлэн нэг юань цуглардаг байна.
“Манай ажил хотоос зайдуу тул ойр орчимд банк бараг байхгүй. Тиймээс энэ их зоосыг хадгалах газаргүй тул манай компани машин худалдан авахаар шийдсэн” гэв.
Б.ТАЙВАН
