Майкл Жексоны эдлэнг цахим худалдаагаар борлуулах талаар “Sotheby”s international realty” өнгөрсөн даваа гаригт зар түгээжээ. Дуудах үнийн эхний санал нь 100 сая ам.доллар юм байна.
Калифорни мужид орших уг эдлэн 40 ам км талбайтай бөгөөд 50 суудалтай кино театр, газар доогуурх аяллын газар, зургаан унтлагын өрөө бүхий том цамхаг, зочид хүлээн авдаг тусгай байр, парк гэхчлэн нийт 22 байгууламжтай аж.
Попын хааны мөрөөдлийн ертөнц 1987 онд бүрэн сүндэрлэсэн бөгөөд нийт 19.5 сая “ногооноор” босгожээ.
