Малын тоо өмнөх оноос 6.4 саяаар буурчээ
2023 оны эцэст, мал тооллогын урьдчилсан дүнгээр, улсын хэмжээнд нийт 64.7 сая толгой мал тоолуулжээ. Үүнээс 4.8 сая адуу, 5.4 сая үхэр, 473.9 мянган тэмээ, 29.4 сая хонь, 24.6 сая ямаа байна. Малын тоо өмнөх оныхоос 6.4 сая (9.1%)-аар буурсан бөгөөд төрлөөр авч үзэхэд, хонь 3.3 сая (10.2%), ямаа 3.0 сая (10.7%), үхэр 162.1 мянга (2.9%)-аар тус тус буурч, адуу 8.6 мянга (0.2%), тэмээ 3.4 мянга (0.7%)-аар өсжээ.
2024-01-18
Завхан, Идэрийн гол орчмоор шөнөдөө -44 хэм хүрнэ
Өнөөдөр баруун аймгуудын ихэнх нутаг болон төвийн нутгийн зарим хэсгээр, 19-нд урд талын аймгуудад, 20-нд нутгийн зүүн өмнөд хэсгээр, 21-нд зүүн хагаст цаг агаар тааламжгүй байхыг ЦУОШГ-аас анхааруулж байна.
2024-01-18
Хаврын ээлжит чуулганаар 150 хууль, тогтоолын төслийг хэлэлцэнэ
Н.Нанзаддоржийг Монголын үндэсний олон нийтийн радио, телевизийн Үндэсний зөвлөлийн гишүүнээр, Б.Пүрэвдагва, Л.Цэдэвсүрэн нарыг Төрийн албаны зөвлөлийн гишүүнийг томилохыг УИХ-аар баталлаа. Мөн УИХ-ын 2024 оны хаврын ээлжит чуулганаар хэлэлцэх асуудлын талаарх УИХ-ын тогтоолын төслийг баталсан юм.
2024-01-17
Монгол Улсыг зургаан бүсэд хуваан хөгжүүлнэ
Засгийн газраас 2024 оныг “Бүсчилсэн хөгжлийг дэмжих жил” хэмээн зарласан. Монголын эдийн засгийн форум хамтран хоёрдугаар сарын 1, 2-нд "Монголын хөгжлийн форум"-ын хүрээнд "Бүсчилсэн эдийн засгийн форум"-ыг зохион байгуулах юм.
2024-01-17
Архангай аймгийн малчдын цагаан идээгээр дагнасан худалдаа зохион байгуулна
Нийслэлчүүдийн цагаан идээний хэрэглээний 30 гаруй хувийг дангаараа Архангай аймгийн малчид хангадаг статистик бий. Архангай аймгийн малчдын үзэсгэлэн худалдааг энэ сарын 20-25-ны өдрүүдэд Тусгаар тогтнолын талбайд зохион байгуулна. Ингэхдээ зөвхөн ааруул, ээзгий, өрөм, зөөхий, шар тос, сүү, айраг тэргүүтэй цагаан идээгээр дагнасан худалдаа явагдах юм.
2024-01-17
Япон Улсад хүмүүнлэгийн тусламж үзүүлнэ
Монгол Улсаас Япон Улсад хүмүүнлэгийн тусламж үзүүлэх тухай тогтоолын төслийг баталлаа. Хүмүүнлэгийн тусламжид зориулж 100 мянган ам.доллартай тэнцэх хэмжээний хөрөнгийг Засгийн газрын нөөц сангаас гаргана.
2024-01-17
Зээлийн өрийн үлдэгдэл 27.4 их наяд төгрөгт хүрчээ
Нийт зээлийн өрийн үлдэгдэл 12 дугаар сарын эцэст 27.4 их наяд төгрөг болж, өмнөх оноос 5.1 (23.1%) их наяд төгрөгөөр өссөн байна. Уг өсөлтөд иргэдийн зээлийн өрийн үлдэгдэл 3.8 (32.4%) их наяд төгрөгөөр нэмэгдсэн нь нөлөөлжээ. Хувийн байгууллагын зээлийн өрийн үлдэгдэл өмнөх оноос 1.3 (13.0%) их наяд төгрөгөөр өссөн байна.
2024-01-17
Хөрөнгө оруулалтын тухай хуулийн төслийг хэлэлцэхийг хойшлууллаа
Хөрөнгө оруулалтын тухай хуулийн шинэчилсэн найруулгын төслийг УИХ-аар хэлэлцэхийг хойшлууллаа. Уг хуулийн төслийг хэлэлцэх эсэхийг хойшлуулахыг хүссэн нийт 156 өргөдөл, албан бичиг иргэдээс УИХ-д хаяглагдан ирсэн байна. Мөн уг хуулийн төслийг Үндэсний баялгийн сангийн тухай хууль, Бүсчилсэн хөгжлийн тухай хууль зэрэг бусад хуулиудтай уялдуулах үүднээс хамтатган хэлэлцэх зорилгоор хойшлуулах зарчмын саналыг парламентад суудалтай улс төрийн намын дарга нар гаргасан гэдгийг УИХ-ын дарга Г.Занданшатар онцоллоо.
2024-01-17
Японы хувийн хэвшлийнхнийг хөрөнгө оруулалт хийж, хамтран ажиллахыг уриаллаа
Монгол Улсаас Япон Улсад суух Онц бөгөөд Бүрэн эрхт Элчин сайд Б.Баярсайханыг Итгэмжлэх жуух бичгээ өргөн барьсантай холбогдуулан Гадаад харилцааны яамнаас хоёр улсын эдийн засгийн харилцаа, хамтын ажиллагааг идэвхжүүлэх, манай улс руу чиглэсэн жуулчдын тоог нэмэгдүүлэх зорилгоор энэ сарын 15-нд Токио хотноо хүндэтгэлийн үйл ажиллагаа зохион байгуулжээ.
2024-01-17
Кубаар дамжин АНУ руу хууль бусаар нэвтрэх гэж байсан Монголчуудыг саатуулжээ
Манай улсын иргэд Бүгд Найрамдах Куба Улсаар дамжин АНУ руу хууль бусаар нэвтрэх оролдлого хэд хэдэн удаа гарч, Куба Улсын хилийн албаныханд саатуулагджээ. Тухайлбал, Улаанбаатар-Истанбул-Хавана чиглэлийн нислэгээр Куба Улсад очиж, АНУ руу завиар гаргана гэх хүмүүст хууртагдаж, хил давах гэж байгаад баригдсан байна.
2024-01-17
Багшийн гүйцэтгэлийн үнэлгээний нэмэлт урамшууллыг санхүүжүүлэх журмыг баталлаа
Боловсролын сургалтын байгууллагын үйл ажиллагаа, багшийн ажлын гүйцэтгэлийн үнэлгээний үр дүнд үндэслэн олгох нэмэлт урамшууллыг санхүүжүүлэх журмыг баталлаа. Сургуулийн өмнөх болон ерөнхий боловсролын түвшинд гүйцэтгэл, үр дүнд суурилсан урамшууллын тогтолцоог бүрдүүлэх хүрээнд сүүлийн хоёр жилд цэцэрлэг, ЕБС-ийн үйл ажиллагааны болон багшийн ажлын гүйцэтгэл, чанар, үр дүнг улсын хэмжээнд нэгдсэн шалгуураар хөндлөнгөөс үнэлдэг болсон.
2024-01-17
Шинэ хархорум хот байгуулах газрыг улсын тусгай хэрэгцээнд авна
“Хархорум хотыг сэргээн байгуулах тухай” Монгол Улсын Ерөнхийлөгчийн 2022 оны 230 дугаар зарлиг, Орхоны хөндийд Шинэ Хархорум хот байгуулах тухай Улсын Их Хурлын 2023 оны тогтоолын дагуу Засгийн газрын 2023 оны 40 дүгээр тогтоолоор Шинэ Хархорум хотын бүтээн байгуулалтын асуудал хариуцсан захиргааг байгуулж, шаардлагатай суурь судалгаа, ТЭЗҮ, хөгжлийн ерөнхий төлөвлөгөө боловсруулах ажлыг эхлүүлээд байна.
2024-01-17
Авлигатай тэмцэх үндэсний хөтөлбөрийг эрчимжүүлнэ
Авлигатай тэмцэх үндэсний хөтөлбөрийг хэрэгжүүлэх Үндэсний хороог байгуулах Засгийн газрын тогтоолын төслийг хэлэлцэн шийдвэрлэлээ. Засгийн газраас яам, агентлаг, нутгийн өөрөө удирдах байгууллага болон нутгийн захиргааны байгууллага, төрийн өмчит болон төрийн өмчийн оролцоотой хуулийн этгээдийн авлигатай тэмцэх үйл ажиллагааны хэрэгжилтийг уялдуулан зохицуулах, хяналт тавих чиг үүргийг тус Үндэсний хороо хэрэгжүүлнэ.
2024-01-17
