Мөсөнд авиралтын спортыг олон улсын стандартын дагуу хөгжүүлж, аймаг, хот, улсын аварга шалгаруулах тэмцээн зохион байгуулж, цаашид өвлийн олимпоос медаль хүртэх тамирчдаа бэлдэх зорилгоор Монголын мөсөнд авиралтын спортын холбоо хиймэл хана босгож байна.
Зуны цагт мөсөнд авиралтын спортоор хичээллэх боломж бүрдүүлэх уг ханыг “Зайсан вилл” хотхоны Биеийн тамирын танхимд барьж байгаа гэнэ. Хурд болон техникийн төрлийн замтай эл хананы өндөр нь 14, өргөн нь 10 метр аж. 2011 онд байгуулагдсан тус холбоо удахгүй мөсөнд авиралтын УАШТ зохион байгуулах гэнэ.
Эхний ээлжинд техникийн авиралт хийх боломжтой хана барьж байгаа бол энэ оны хоёр дахь хагаст хурдны төрлийн хана босгох юм байна.
Б.ДӨЛ
