Бодлогын хүүг 10 хувьд хэвээр хадгалахаар шийдвэрлэв

Монголбанкны Мөнгөний бодлогын хороо ээлжит бу­саар ху­­­­­­­­­ралдаж, бодлогын хүүг 10 хувьд хэвээр хадгалахаар шийдвэр­­­­­лэв. Мөн банкуудын төгрөгийн болон гадаад валютын заавал байл­­­­­­­­­гах нөөцийн хэмжээг хоёр нэгж хувиар нэмэгдүүлж, 13 бо­­лон 18-д хүр­гэхээр болжээ. Жилийн инфляц 2024 оны арван­­­­­­хоё­ду­гаар сард ул­сын хэмжээнд ес, Улаанбаатар хотод 9.1 хувь­тай гарчээ. Ийн­хүү инфляц зорилтын дээд хязгаарыг дава­­хад ца­­хилгаан, мах, им­портын барааны үнэ өссөн нь гол­лон нө­лөөл­сөн аж. Түүнчлэн эдийн засгийн сэргэлт, өсөлттэй холбоо­­той до­­тоод эрэлт, цалин нэмэгдсэний нөлөөгөөр үйлчил­­­гээ, тү­рээс, им­­­­портын барааны үнэ өсжээ. Цаашид төрийн зохи­­цуу­­­­лалт­­­тай үйлчилгээний үнийн өсөлтийг дагасан дам нөлөө, “Эр­дэ­нэс Та­­­­­­вантолгой” ХК-ийн ногдол ашгийн хуваарилалт, төсвийн зард­лын үргэлжилсэн тэлэлт зэрэг нь мөнгөний бодлогын төлө­вийг чангаруулах шаардлага бий болгосон гэж дүгнэжээ.
Гадаад, дотоод эдийн засгийн өсөлтийн төлөвт томоо­хон өөрч­лөлт гараагүй ч геополитикийн эрсдэл, тодорхой бус бай­дал үргэлжилсэн хэвээр буй. Мөн банкны салбарын зээлийн өсөлт өндөр түвшинд хадгалагдаж байгаа нь хэрэглээний им­порт, дотоод эрэлтийг өдөөх, цаашлаад санхүүгийн салбарт эрс­­дэл үүсгэж болзошгүй аж. Иймд мөнгөний бодлогын төлөвийг чан­­гаруулж, эдийн засаг, санхүүгийн тогтвортой байдлыг хангах зо­­­­рилгоор банкуудын төгрөгийн болон гадаад валютын заавал байлгах нөөцийн хувь хэмжээг нэмэгдүүлсэн байна.

М.Оч