Оцон шувуу гэж элдэвтэй амьтан байна аа. Эрэгчин нь эмэгчингээ өндөглөхөөс өмнө чулуугаар бяцхан үүр барьдаг аж. Ирээдүйн залгамжлагчдаа барих үүрэнд тохирсон чулуу олно гэдэг тийм ч амар ажил биш гэнэ. Тиймээс газар шагайн бүдчин явж, эрэл хайгуул болж байж олсон чулуугаа нэг нэгээр нь зууж авчран “эхнэртээ” өндөглөх “байшин” барьдаг байна.
Гэтэл ийнхүү зүдэрч олсон чулуугаа заримдаа хулгайд алдах явдал гардаг аж. Өөрөөр хэлбэл, зарим нэгэн зальтай оцон шувуу нэгнийхээ авчирч тавьсан чулууг ар хударгаар нь хулгайлчихдаг юм байна. Яг ингэж хулгай хийж байгаад үйлдэл дээрээ хүмүүст баригдсан нэгэн эрэгчний тухай бичлэгийг http://marketium.ru/pingvinvorishka/ хаягаар орж үзээрэй.
BBC-гийн уран бүтээлчид “Хөлдүү гариг” баримтат киноныхаа зургийг Антарктидад хийж байгаад ийм нэгэн явдлын гэрч болсон байна. Гэхдээ тухайн үедээ анзаараагүй бөгөөд авсан бичлэгүүдээ монтажилж байхдаа хулгайчийг илрүүлсэн гэнэ.
Э.ХАНА
