Монсудар хэвлэлийн газраас албан ёсны орчуулгатайгаар Сэр Алекс Фергусон “Миний намтар”, “Спорт ном”-ыг орчуулан уншигчдын хүртээл болгож энэ сарын 18-нд "Интерном" номын дэлгүүрт нээлтээ хийхээр болсон байна.
“Миний намтар” ном нь Их Британийн хөл бөмбөгийн түүхэн дэх хамгийн шилдэг менежер хэмээх алдрыг олон түмнээс хүртсэн Алекс Фергусоны сэтгэл хөдлөм түүх юм.
Ховорхон ур чадвартай менежер болохын хувьд Сэр Алекс нь Райн Гиггс, Рой Кин, Эрик Кантона ба Рүүд ван Нистелрой зэрэг шилдэг тоглогч нарыг хэрхэн таньж, дэмжин урамшуулахын сацуу хатуу чанд гараар удирдан залж, мөн түүнийг эцгийн адил хэмээн тодорхойлсон Кристиано Роналдо ба Дэвид Бэкхэм нарын багт нь олноор нэмэгдэж байсан дэлхийн хэмжээнийн ододтой хэрхэн харилцаж байсан тухайгаа дурссан уг ном танд шинэ ертөнцийг нээж, сэтгэлийг тань татахаас гадна урам зориг төрүүлэхүйц гайхалтай бүтээл ажээ.
