Сүхбаатар дүүргийн Засаг даргын Тамгын газар, Нийгмийн хөгжлийн хэлтсээс “Уран жиргээ-2015” уран уншлагын наадмыг амжилттай зохион байгууллаа.
Дэлхийн болон Монголын хүүхдийн шилдэг зохиол бүтээлийг хүүхэд багачуудад таниулан сурталчлах, тэдний дунд уран уншлагын урлагийг хөгжүүлэх зорилготой тус наадмын ерөнхий шүүгчээр СУИС-ийн ТУС-ийн багш, МУСТА Тайз дэлгэцийн урлагийн тэнхимийн эрхлэгч, МУСТА Б.Даваа, шүүгчээр СУИС-ийн ТУС-ийн Тайз дэлгэцийн урлагийн тэнхимийн багш, МУСТА Ж.Болор-Эрдэнэ, СУИС-ийн ТУС-ийн Тайз дэлгэцийн урлагийн тэнхимийн багш, МУСТА Г.Энхсайхан нар ажиллав.
28 дахь жилдээ зохион байгуулж буй тус наадамд нийт 145 хүүхэд оролцсоноос цэцэрлэгийн насны ангиллын нэгдүгээр байрт 25-р цэцэрлэгийн М.Дөл-Эрдэнэ, хоёрдугаар байрт нэгдүгээр цэцэрлэгийн Б.Чингүнжав, гуравдугаар байрт 160-р цэцэрлэгийн Т.Шандасбаяр, тусгай байрт 186-р цэцэрлэгийн Ц.Ариунзаяа нар өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнууллаа.
Сургуулийн бага насны ангиллын тэргүүн байрт VI сургуулийн сурагч Б.Тэнүүн, хоёрдугаар байрт 45-р сургуулийн сурагч Э.Эгшиглэн, гутгаар байрт Үй-Цай сургуулийн сурагч Э.Адиша, тусгай байрт 58-р сургуулийн сурагч Л.Өлзийсолонго нар шалгарч өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнуулсан юм.
Харин 6-9 анги буюу сургуулийн дунд насны ангиллын тэргүүн байрт III сургуулийн сурагч А.Булгантамир, хоёрдугаар байрт XI сургуулийн сурагч А.Саранжил, гуравдугаар байрт 71-р сургуулийн сурагч Ж.Лхам, тусгай байрт Сант сургуулийн сурагч Н.Чинбилэг нар тодорч өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнуулав.
Сургуулийн ахлах насны ангилалд нэгдүгээр байрт XXXV сургуулийн сурагч Х.Сугар, хоёрдугаар байрт VI сургуулийн сурагч Б.Мөнхтуяа, гуравдугаар байрт Сод-Эрдэм сургуулийн сурагч Б.Энхтуул, тусгай байрт 58-р сургуулийн сурагч О.Хандмаа нар тус тус шалгарч өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнууллаа.
Нийслэлийн “Уран жиргээ-2015” наадам 2015 оны хоёрдугаар сарын 12-ны өдөр Монголын хүүхдийн ордонд болно.
