Өмнөх амралтын өдрөөр гурван кино нээлтээ хийсэн бол Бокс Оффисийг өнгөрсөн амралтыг өдрөөр тэргүүлж байсан "Warner Bros" студийн бүтээл "Америк Мэргэн буудагч" кино хоёрт орсон бол эхний байрт "The SpongeBob Movie: Sponge Out of Water" хүүхэлдэйн кино тэргүүлсэн байна.
Адал явдалт, инээдмийн төрлийн “Спонж Боб” бүрэн хэмжээний хүүхэлдэйн кино Спонж Боб өөрийн ертөнцийн нууц жорыг далайн дээрэмчдэд алдсан учраас хойноос нь явах хэрэгтэй болж, далайгаасаа гарснаар эхлэх аж. Гэхдээ ганцаараа биш, найз нөхдөө дагуулан, өөр дүр төрхтэйгөөр хүний ертөнцөд ирдгээр кино үргэлжилнэ.
Харин гуравдугаар байрт "Jupiter Ascending" буюу "Бархасбадын Мандалт" кино оржээ. Тус кинонд Жүпитер Жоунз түүний агуу зүйлстэй учрах хувь тавиланг зөгнөсөн шөнийн тэнгэрийн дор төрсөн юм. Одоо өсөж том болсон тэрээр тэнгэрийн оддын тухай зүүдэлж, мөрөөдөх авч өглөө сэрэхдээ жорлон цэвэрлэдэг таагүй ажил нь, ар араасаа залгах азгүйтэлтэй бодит байдал нь хэвээр байгааг мэдэрсээр босдог юм. Гэвч генетикийн шинэчлэлээр бүтсэн экс цэрэг Кэйн, Жүпитерийг хайн дэлхийд ирснээр, тэрээр өөрийн хувь тавиланг өөрөөр харж эхлэх бөгөөд түүний генийн онцлог нь огторгуй ертөнцийг хувь заяаг ч өөрчлөх тийм эрх мэдлийг атгах дараагийн хүн мөн хэмээн тодорхойлсноор үйл явдал өрнөх болно.
