Сүхбаатар аймгийн “Жаахан шарга” театрынхан энэ оны анхны уран бүтээлээ ОХУ-ын зохиолч А.Дударевын “Үдэш” сэтгэхүйн драмын жүжгээр эхэллээ.
Тус театрын ерөнхий найруулагч З.Далай уг жүжгийг найруулан өөрийн театрын тайзнаа тавихдаа өөрөө гол дүрд нь тоглосон байна. Соёлын тэргүүний ажилтан, дуучин Д.Болортуяа, жүжигчин Х.Сайнбаяр нар дүр бүтээж, тайзны зураачаар Соёлын тэргүүний ажилтан С.Гантулга, дууны найруулагчаар Соёлын тэргүүний ажилтан Д.Ганзориг нар ажилласан байна.
