Саймон Ковеллын санаачилсан авьяастан тодруулдаг шоу дэлхийн олон оронд зохион байгуулагдаж, тэр хэрээр сонин хачин авьяас, чадалтай хүмүүс дэлхий дахинд танигдаж буй. Мөн тун удахгүй “Монголын авьяастнууд” шоуг албан ёсны эрхтэйгээр зохион байгуулах гэж буйгаа “Монгол HD” телевизийнхэн зарлаад буй.
Тэгвэл AXN уран бүтээлийн нэгдэл “Asia”s Got Talent” шоуг энэ жил анх удаа зохион байгуулж буй. Азийн 20 орныг хамарсан энэ шоунд ҮДБЭЧ-ын бүжигчид оролцжээ. Тэд саяхан Сингапурт очиж, тэмцээндээ оролцсон бөгөөд удахгүй эх орондоо ирэх юм. Харин энэ шоу гуравдугаар сараас үзэгчдийн хүртээл болно.
