Х.Тэргэл дэлхийн шилдэг 32 тамирчнаас X байрт жагслаа
Монголын дартсын өсвөр үеийн шигшээ баг, “Уужим од” ХХК, “Mgl darts” клубийн тамирчин Х.Тэргэл Англи улсад зохион байгуулсан “JDC аdvanced tour-2024” тэмцээнд улсаа төдийгүй Ази тивийг төлөөлж анх удаа оролцсон. Тэрбээр 16 цуврал тэмцээний нийлбэр дүнгээр дэлхийн шилдэг 32 тамирчнаас X байрт жагслаа. Дээрх тэмцээнд эхний 20 байрт шалгарсан тамирчин “JDC advanced tour-2025”-д шууд оролцох эрхтэй. Чансааг тэргүүлсэн тоглогч “PDC world youth championship-2024”, эхний гуравт эрэмбэлэгдсэн нь “Winmau development tour-2025”-д өрсөлдөнө.
2024-06-06
Манайхан ДАШТ-д салхи хагалж, Хорватын багтай өрсөлдөх нь
Өмнөд хөршийн Шанхай хотод энэ сарын 10-16-нд футзалын оюутны ДАШТ-тэй. Тус тэмцээнд оролцох Монголын үндэсний шигшээ баг бүрэлдэхүүнийг зарлав. Манайхан С хэсэгт Украин, Шинэ Зеланд, Хорват улсын багтай багтсан. Тэмцээний эхний өдөр манай тамирчид салхи хагалж, Хорват багтай өрсөлдөх нь. Тэгвэл энэ сарын 11-нд Шинэ Зеланд, 12-нд Украины тоглогчидтой өрсөлдөх тов гараад байна.
2024-06-06
Н.Баярдорж зуны АШТ-д түрүүлжээ
ХБНГУ-ын Мюнхен хотод болж буй буудлага спортын “Дэлхийн цом”-ын тэмцээнд Монголын үндэсний шигшээ багийнхан онч сорьж буй. Манай улсаас дасгалжуулагч Ж.Ганхуягийн удирдлагад урт бууны төрөлд ОУХМ Н.Баяраа, Б.Эрхэмбаяр, О.Есүгэн, Г.Нандинзаяа, гарбууныхад Э.Даваахүү, Э.Бадамгарав нар өрсөлдөнө. Эрэгтэйчүүдээс Б.Эрхэмбаяр 28, Н.Баяраа 37 дугаар байр эзэлж, эмэгтэйчүүдээс хийн урт бууны 10 метрийн дасгалд О.Есүгэн 24, Г.Нандинзаяа 71 дүгээр байрт орсон байна. Хийн гар бууны 10 метрийн шигшээ тэмцээн өнөөдөр эхэлнэ. Эл тэмцээнд дэлхийн шилдгүүд цугларан, дээд амжилт эвддэгээрээ тус хотын тийр алдартай.
2024-06-06
Төв цэнгэлдэх хүрээлэнгийн суудлыг цөөлнө
Үндэсний их баяр наадмын бэлтгэл ажлын хүрээнд Төв цэнгэлдэх хүрээлэнгийн гадна, дотор талбайг засварлаж буй гэнэ. Тодруулбал, гадна талбайг ногоон байгууламж болгон тохижуулах ажлын хүрээнд усалгааны системийг суурилуулж байгаа аж. Тухайн хэсэгдэх авто угаалгын газар болон бетонон хашааг Монголын хөлбөмбөгийн холбоотой зөвшилцсөний үндсэн дээр буулгажээ. Чөлөөлсөн талбайд ногоон байгууламж байгуулж, теннис, хүүхдийн тоглоомын болон 3х3 сагсан бөмбөгийн талбай байгуулахаар төлөвлөжээ. Хүрээлэнгийн гадна талбайд ахь, зөвхөн баяр наадмын үеэр ашигладаг цахилгааны дэд станц, байшин, тулгуурт шон, ариун цэврийн байгууламж зэргийг буулган, шинэчилж буй гэнэ.
2024-06-06
Хамтарсан бэлтгэл хийхээр хойд хөршийг зорив
ОХУ-ын Сахагийн Якут хотод “Азийн хүүхдүүд’’ олон улсын VIII их наадам энэ сарын 25-нд эхэлнэ. Долоодугаар сарын 7-нд өндөрлөх тус наадмын модон барилдааны төрөлд манайхаас таван тамирчин улсаа төлөөлж оролцох юм. Өсвөр үеийн тамирчдын модон барилдааны тэмцээний ерөнхий шүүгчээр олон улсын шүүгч С.Тэлмэн томилогджээ. Тэгвэл олон улсын шүүгч Б.Даариймаа, улсын шүүгчТ.Галцэцэг нар талбайн шүүгчээр ажиллахаар уригдаж, “Азийн хүүхдүүд” олон улсын их наадмын тэмцээнийг анх удаа дэнсэлнэ. Энэ удаагийн наадамд оролцох модон барилдааны тамирчид 14 хоног хамтарсан бэлтгэл хийхээр хойд хөршийг зорив.
2024-06-06
Г.АНХБОЛД: Хүүхдийг байгалиас хол хөндий өсгөх нь харшилд өртөмтгий болгодог
Жил бүрийн хавар, зуны улиралд харшлын өвчлөл нэмэгддэг. Үүнээс шалтгаалж иргэд дур мэдэн эм, бэлдмэл хэрэглэх, дааврын тариа хийлгэх нь элбэг. Иргэд харшилтай болоход нөлөөлж буй гол хүчин зүйл, сэргийлэх арга замын талаар Улсын нэгдүгээр төв эмнэлгийн Уушги, харшил судлалын төвийн их эмч Г.Анхболдтой ярилцлаа.
2024-06-06
Соёлын өвийг таниулах өдөрлөг зохион байгуулав
“Тэгш хүртээмжтэй музей, хүүхэд бүхэн хөөрхөн” өдөрлөг Чойжин ламын сүм музейд өчигдөр боллоо. Уг арга хэмжээг Чойжин ламын сүм музей, Хөгжлийн бэрхшээлтэй хүний хөгжлийн ерөнхий газар хамтран зохион байгуулсан юм. Дөрөв дэх жилдээ болсон уг өдөрлөг нь тусгай хэрэгцээт хүүхэд багачуудад соёлын өвийг танин мэдэх, хайрлан хамгаалах, бахархах сэтгэлгээг бий болгох, төлөвшүүлэх зорилготой.
2024-06-06
“Гэртээ эрт харья” аяныг аравдугаар сар хүртэл үргэлжлүүлнэ
Засгийн газрын хэрэгжүүлэгч агентлаг Хүүхэд, гэр бүлийн хөгжил, хамгааллын ерөнхий газраас “Гэртээ эрт харья” аян өрнүүлж байна. Аяныг энэ сарын 1-нээс эхлүүлсэн бөгөөд ирэх аравдугаар сарын 30 хүртэл үргэлжлүүлэх аж. Үүнд 21 аймаг, есөн дүүргийн газар, хэлтэс нэгдэж, цахим орчинд уриалга өрнүүлж буй. Зуны амралтаар хүүхдүүд гэртээ түлэгдэж, гэмтэх тохиолдол нэмэгддэг. Тиймээс эцэг, эхчүүд аль болох гэртээ эрт харьж, хүүхдүүддээ цаг гарган, хамтдаа тоглож, анхаарал, халамжаа сайжруулаасай гэсэн үүднээс уг аяныг өрнүүлсэн гэнэ
2024-06-06
Хандив өгөх хүмүүс иргэний бүртгэлийн дугаараа бичнэ
УИХ-ын сонгуульд нэр дэвшихээр СЕХ-нд бүртгүүлсэн хүмүүс зардлын дансаа Үндэсний аудитын газарт бүртгүүлж, түрүүчээсээ олон нийтэд зарлаад байна. УИХ-ын сонгуулийн тухай хуулийн 54 дүгээр зүйлд заасны дагуу иргэн, хуулийн этгээдээс нам, эвсэл болон тойрогт нэр дэвшигчид мөнгөн, мөнгөн бус хандив өгөх боломжтой юм. Иргэн 10, хуулийн этгээд 30 хүртэл сая төгрөгийн хандив өгөх эрхтэй. Хандив өгөхдөө иргэний бүртгэлийн дугаар, орлогын эх үүсвэр, овог, нэрээ тодорхой бичиж байж хүчинтэй болох юм байна. Өөрөөр хэлбэл, эдгээр мэдээлэл дутуу бол таны хандивыг хэрэглэх, хүлээн авах боломжгүй болох юм билээ.
2024-06-06
Сайн дурынхан бол үнэгүй ажиллах хүч биш
“Сайн дурын ажил гэж залуучуудын идэвх санаачилгаар явуулж байгаа, ашгийн төлөө бус, нийтэд тустай үйл ажиллагаа” хэмээн Залуучуудын хөгжлийг дэмжих тухай хуульд заасан байдаг. Өөрөөр хэлбэл, нэгдүгээрт залуучууд өөрсдөө санаачилсан байх, хоёрдугаарт ашгийн төлөө бус, нийтэд тустай үйл ажиллагаа гэж тодорхойлсон гэсэн үг. Энэ нь манай улсад сайн дурын ажлыг анх удаа хуульдаа тусгасан тохиолдол юм. Харин бусад хуульд сайн дурын ажилтай холбоотой зохицуулалт алга.
2024-06-06
Нам, эвслүүд 30 хувийн квотыг хангасан, эсэхийг нягтлах нь
Эмэгтэйчүүдийн манлайллын сүлжээнээс өнөөдөр “Эмэгтэйчүүд ба сонгууль-2024” хэлэлцүүлэг зохион байгуулах аж. УИХ-ын сонгуульд өрсөлдөжбуй эмэгтэйчүүдээ хэрхэн дэмжих, нэр дэвшигчдийн мөрийн хөтөлбөр, бодлогын сэдэв, мөн өрсөлдөх явцад тэдэнд тулгарч буй саад бэрхшээлийн талаар уг хэлэлцүүлгийн үеэр ярилцах юм байна. Мөн холимог тогтолцоогоор зохион байгуулах энэ удаагийн сонгуулиар нам, эвслийн жагсаалтад хүйсээр сөөлжүүлэн 48 хүртэлх хүн эрэмбэлжбуй. Нийт нэр дэвшигчийн 30 хувь нь эмэгтэйчүүд байх квотыг УИХ-ын сонгуулийн тухай хуульд тусгасан. Тэгвэл хуулийн энэ заалтыг нам, эвслүүд бүрэн хэрэгжүүлсэн, эсэхэд хэлэлцүүлэгт оролцогчид дүн шинжилгээ хийх гэнэ.
2024-06-06
Нийгмийн даатгалын ерөнхий газар цахим хөтчийн үйлчилгээ нэвтрүүллээ
Нийгмийн даатгалын ерөнхий газар цахим хөтөчтэй болжээ. Ингэснээр иргэд нийгмийн даатгалын тэтгэвэр, тэтгэмжтэй холбоотой мэдээ, мэдээллийг гар утаснаасаа цаг алдалгүй авах боломжтой болж буй аж. Гар утас байхад л богино хугацаанд хүссэн мэдээллээ авах, цаг хугацаагаа хэмнэх боломжийг уг шийдлээр бүрдүүлж байгаа гэнэ. Тухайлбал, нийгмийн даатгалын байгууллагын аль нэг салбарт дугаарлаж цаг алдах шаардлагагүй. Хаанаас ч хандах боломжтой, хамгийн хүртээмжтэй хэлбэр юм байна. Мөн үүнийг ашигласнаар цаасан хэвлэлийн зардал хэмнэх боломжтойг дээрх байгууллагынхан онцлов.
2024-06-06
Хахууль өгөхийг шаардсан багшид торгох ял шийтгэжээ
Нийслэлийн нийтийн тээврийн хамгийн том аж ахуйн нэгж болох “Зорчигч тээврийн нэгтгэл” ОНӨААТҮГ-ын Сургалтын албаны онолын багш Я.Энхбаатар холбогдсон хэргээ хялбаршуулсан журмаар шийдвэрлүүлэх хүсэлт гаргасныг прокурор нь хянаад, Хан-Уул дүүргийн Эрүүгийн хэргийн анхан шатны шүүхээр өчигдөр шийдвэрлүүллээ. Тэрбээр автобусны жолоочийн сургалтад сууж ажилд орохоор бүртгүүлсэн нэгэн иргэнээс жолоодлогын дүрмийн шалгалт авах үедээ хахууль нэхсэн хэрэгт холбогдсон юм.
2024-06-06
МУИС, АШУҮИС-ийн элсэлтийн бүртгэл эхэллээ
Их, дээд сургуулиуд ирэх хичээлийн жилд оюутан элсүүлэх бүртгэлээ эхлүүллээ. Одоогоор МУИС, АШУҮИС, СУИС-иас элсэлтийн бүртгэлээ эхлүүлээд буй юм. МУБИС-ийн элсэлтийн бүртгэл үргэлжилж буй. Харин бусад сургуулийн хувьд тов нь хараахан гараагүй байна. МУИС-ийн бүртгэл ирэх сарын 8 хүртэл үргэлжилнэ. Тус сургуулийн burtgel.num.edu.mn сайтаар бүртгүүлэх боломжтой. АШУҮИС-ийнх ирэх сарын 9 хүртэл үргэлжилнэ. МУБИС ирэх сарын 1 хүртэл элсэгчдээ бүртгэх нь. Энэ жилийн элсэлтийн ерөнхий шалгалт долоодугаар сарын 4-ний өдрөөс эхлэх бөгөөд ЭЕШ-д 35 939 шалгуулагч оролцох аж. Их, дээд сургуульд элсүүлэх босго оноо 400-480 байна.
2024-06-06
Хамарын хийд хүрэх зам эвдэрч, автомашинаар зорчих боломжгүйд хүрлээ
Урин дулаан цагт жуулчдын төдийгүй дотоодын иргэд олноор зорин очдог газруудын нэг нь Дорноговь аймгийн Сайншандад орших Хамарын хийд. Тус аймагт уржигдар 18.50-19.30 цагийн хооронд их хэмжээний бороо орж, үер буусны улмаас дээрх хийд рүү явах зам усанд автан эвдэрч, автомашинаар зорчих боломжгүйд хүрснийг “Хамарын хийдийн тусгай хамгаалалттай газрын захиргаа” орон нутгийн өмчит аж ахуйн тооцоот үйлдвэрийн газраас өчигдөр анхаарууллаа. Мөн замын хөдөлгөөнийг хэвийн болгохын тулд шинээр далан барихаар холбогдох байгууллагынхан нь ажиллаж байгааг мэдээлсэн. Иймд ойрын хугацаанд Хамарын хийдийг зорих гэж буй аялагч, зорчигчид анхаарал болгоомжтой байж, аюулгүй байдлаа хангахыг зөвлөсөн байна. Тус хийд нь аймгийн төвөөс 40 гаруй км-ийн зайтай.
2024-06-06
К.Макдэвид финалд Анх удаа шалгарлаа
Канадын багууд сүүлийн жилүүдэд Стэнлийн цомын аварга болж чадаагүй. Харин энэ удаад “Эдмонтон ойлерс” баг аваргын төлөө тоглохоор шалгараад байна. Үүнтэй холбоотойгоор Канадын агуу хоккейчин У.Гретцки тус багийн лидер, NHL-ийн супер од К.Макдэвидэд баяр хүргэсэн байна. “Чамайг ямар хэцүү даваа, саадыг туулж өдий зэрэгт хүрснийг би мэднэ. Стэнлийн цомын финалд нь амжилт хүсье” хэмээн агуу тоглогч өгүүлжээ. К.Макдэвид 2015 оноос хойш “Эдмонтон”-д тоглож байгаа бөгөөд карьертаа анх удаа финалд шалгарсан нь энэ юм.
2024-06-05
НЕЙМАР: “Алтан бөмбөг”-ийг Винисиус хүртэнэ
Энэ жил дэлхийн шилдэг хөлбөмбөгчөөр Бразилын шигшээ болон “Реал” багийн тоглогч Винисиус шалгарах боломжтой, эсэхийг сэтгүүлч “Аль-Хилаль” багийн довтлогч Неймараас лавлажээ.
“Мэдээж, “Алтан бөмбөг” аль хэдийн түүнийх болсон. Би түүнийг дэмжиж байгаа. “Аваргуудын лиг”-ийн финалын өмнө бас дараа нь ч би түүн рүү мессеж бичсэн. Тэр энэ жил үнэхээр азтай, одтой байгаа. Тиймээс шилдгээр шалгарах нь гарцаагүй” хэмээн Неймар ярьжээ.
Винисиус энэ улиралд 39 тоглолтод оролцохдоо 24 гоол оруулж, 11 гоолын дамжуулалт өгснөөс гадна Испанийн Ла лиг болон “Аваргуудын лиг”-ийн аваргаар шалгарсан юм.
2024-06-05
Дуулиант солилцоо биеллээ олов
К.Мбаппег Мадридын нисэх буудал дээр З.Зидан өөрөө тосож, хүндлэл үзүүлэв. “Зидан бид нарыг зогсоол дээр машин дотроо хүлээж байсан. Үнэхээр гоё машин байсныг нь сайн санаж байна. Мэндэлсний дараа тэр намайг багийн бэлтгэл рүү хүргэжөгье гэсэн. Тэр урд суудлаа заагаад “Алив суучих” гэсэн юм. Тэр үед миний хамаг бие хөшөөд “Гутлаа тайлах уу?” гэж асуусан юм даг. Инээдтэй юм, яагаад тэгж асууснаа одоо ч мэддэггүй. Зизугийн машин болохоор л тэр болов уу. Намайг их инээдтэй юм асуусныг тэр мэдэж байсан ч даруухнаар “Мэдээж хэрэггүй, шууд суу” гэж хэлээд намайг бэлтгэлийн талбай руу аваачсан. Бондигоос ирсэн би Зизугийн машинд сууж байна гэсэн бодол тэр үед надаас салаагүй. Үнэхээр итгэмээргүй. Яг л зүүдэлж байгаа мэт санагдаж байлаа” хэмээн К.Мбаппе дурсжээ.
2024-06-05
“Улаанбаатарын яриа хэлэлцээ” болох нь
Манай улс 1980-аад оноос Зүүн хойд Азийн яриа, хэлэлцээрийн механизм бий болгохыг зорьж иржээ. Улмаар 2013 онд “Улаанбаатарын яриа хэлэлцээ” санаачилга дэвшүүлж, 2014 оноос эхлэн олон улсын бага хурлыг тогтмол хугацаанд хийж буй юм. Энхийг эрхэмлэсэн, нээлттэй, бие даасан, олон тулгуурт гадаад бодлогын зарчимд нийцсэн энэхүү арга хэмжээг хийснээр бүс нутгийн аюулгүй байдал, түүнд тулгамдсан асуудлыг шийдвэрлэх, итгэлцлээ бэхжүүлэх олон улсын индэр болж ирсэн байна. Энэ удаагийн хуралд Зүүн хойд Азиас гадна бусад бүс нутгийн эрдэмтэн, судлаачид, олон улсын байгууллагын төлөөлөл оролцох нь.
2024-06-05
Жуулчдад зориулсан тоглолттой
“Хүн” театрынхан жуулчдад зориулсан “Hun totem” үндэсний урлагийн тоглолтоо өчигдрөөс эхлүүллээ. Уг тоглолт энэ зуны 90 хоногийн турш өдөр бүр 17.00 цагт дээрх театрын байранд болох юм. Монголын үндэсний дуу, бүжиг, уран нугаралт, хөөмий гэх зэрэг ардын урлагийн төрлийг багтаасан уг тоглолт нэг цаг үргэлжилнэ. Мөн ардын урлагийг циркийн үзүүлбэрүүдтэй хослуулснаараа онцлогтой юм байна. Манай улсад аялсан жуулчид төдийгүй дотоодын иргэдэд ч үндэсний урлагийнхаа гайхамшгийг мэдрүүлэх, таниулах зорилготой уг тоглолтын тасалбарын үнэ50 мянган төгрөг аж.
2024-06-05
