"Авьяаслаг монголчууд" шоуны хоёрдугаар бүлэг үзэгчдийн хүртээл болоод удаагүй байгаа билээ. Тус шоуны оролцогч А.Сайханцэцэгийн оролцсон дугаарыг үзсэн сэтгэл судлаач Б.Наранбаатар харааны бэрхшээлтэй иргэдэд зориулан өөрийн бичсэн "Аз жаргалын набор" номоо брайль үсэгт хөрвүүлэн, бэлэглэхээ амласан.
Тэрбээр "Аз жаргалын набор" номоо амласан ёсоор А.Сайханцэцэгт хүргэж өгсөний дээр уг номыг брайль үсэг рүү хөрвүүлэх ажлыг А.Сайханцэцэг хийхээр болжээ. Тэрбээр өмнө нь хэд хэдэн үлгэрийн номыг брайль руу хөрвүүлж байсан туршлагатай аж. Тиймээс Б.Наранбаатар сэтгэл судлаачийн бүтээл тун удахгүй оролцогч А.Сайханцэцэгийн хөрвүүлснээр харааны бэрхшээлтэй иргэдийн гар дээр үнэ төлбөргүй очих нь.
