Хэдхэн хоногийн дараа болох хүүхдийн баяраар Улаанбаатар хотын Хүүхдийн театр багачууддаа зориулан ГАЛТ ЧУЛУУНЫ НУУЦ - жүжгээ тоглох гэж байна.
Багачуудын хайртай баатар Ногун ер бусын ид шидтэй галт чулууг хайрлаж хамгаалах үүрэгтэй ч муу санаатан савдагт чулуугаа алдсанаар жүжгийн үйл явдал өрнөдөг. Хүүхдүүд зурагтаар харж, номноос уншиж байсан баатруудтайгаа уулзаж, хамтдаа дуулж бүжиглэх ховорхон боломж тохиож байна.
Жүжгийн найруулагч, СТА Б.Хишигзаяа:
"Үзэгч хүүхдүүд энэ жүжгийг үзээд чадлынхаа хэрээр байгалиа хамгаалах үүрэгтэй гэдгийг ойлгуулахыг хичээсэн. Ногун бол байгаль хамгаалдаг савдаг. Байгалиа хамгаалахын төлөө тэмцэж буй Ногунд сонирхолтой адал явдлууд учирна" гэсэн юм.
