ОХУ-ын Ерөнхийлөгч Владимир Путин болон АНУ-ын Ерөнхийлөгчийн сонгуульд нэр дэвшээд буй Дональд Трампын үнсэлцэж буй зураг Литвийн нийслэл Вильнюс дэх нэгэн зоогийн газрын ханан дээр буй аж. Орон нутгийн зураач Миндуагас Бонанугийн өнгөрсөн баасан гаригт зурсан эл бүтээл Германы ханан дээрх, ЗХУ-ын удирдагч Брежнев, Зүүн Германы Ерөнхийлөгч Эрих Хонеккер нарын үнсэлцэж буй зургийг санагдуулам гэнэ. Тус зоогийн газрын эзэн Доминикас Ческаукас “Хоёр баатрын төстэй чанарыг бид олж харсан. Тэд хоёул аминч үзэлтэй. Америкийн шинэ Ерөнхийлөгч Оростой найрамдалтай харилцахгүй бол хүйтэн дайн эхэлж болзошгүй” гэжээ.
